Onyń aıtýynsha, servıstik qyzmet kórsetetin árbir týrıstik nysanǵa «Batys Eýropa – Batys Qytaı» boıynan shamamen 10 nemese 20 gektar jer bólinetin bolady. Búginde halyqaralyq standartqa saı keletin týrıstik qyzmetterdi qurý jónindegi joba egjeı-tegjeıli josparlanyp jasalynýda.
Sonymen qatar, brıfıngte sóz alǵan «QazAvtoJol» ulttyq kompanııasy» aksıonerlik qoǵamynyń bas ınjeneri Myńjasarov Nurbol «Batys Eýropa – Batys Qytaı» halyqaralyq dáliziniń oblys arqyly ótetin bóliginiń uzyndyǵy 372,5 shaqyrymdy quraıtynyn atap ótti.
«Oblys aýmaǵy arqyly ótetin halyqaralyq kólik dáliziniń bólikteri 2016 jyly Shymkent-Taraz, 2017 jyly Shymkent-Tashkent baǵyttarynyń qurylysy tolyǵymen aıaqtalýy josparlanǵan. Osyǵan oraı, qazirgi tańda, jol boıyndaǵy qurylystardyń zańdylyǵyn saqtaýdy baqylaý jáne retteý jumystary júrgizilýde. Máselen, jalpyǵa ortaq paıdalanylatyn avtomobıl joldary boıynan bólingen beldeý sheginde (70m.) ǵımarattar men qurylystar salýǵa, sondaı-aq ınjenerlik kommýnıkasııalar tóseýge tyıym salynady», dedi N.Myńjasarov.
Brıfıngte málim bolǵandaı «Batys Qytaı – Batys Eýropa» dáliziniń boıynda 440 qyzmet kórsetý nysandary ornalasqan bolsa, onyń ishinde, 348 nysan halyqaralyq standartqa saı salynbaǵany anyqtalǵan. Budan bólek, halyqaralyq kólik dáliziniń boıynda (úsh baǵytta) 18 eldi meken, ıaǵnı, 500-den asa jeke turǵyn úıler men 41 janar-jaǵarmaı quıý beketteri ornalasqan.
Osyndaǵy jeke turǵyn úılerdiń qas-kelbetterin jańalaý máseleleri boıynsha birqatar usynystar engizilip otyr. 2018 jyldyń 1 shildesine deıin Ulttyq standartqa sáıkes barlyq nysandardyń qurylys zańdylyqtaryn saqtaı otyryp, talapqa saı bolýyn qamtamasyz etý kózdelýde.
