M.Dýlatov atyndaǵy Qostanaı ınjenerlik-ekonomıkalyq ýnıversıtetinde stýdent jastar jáne qala jurtshylyǵymen kezdesýde bilim ordasynyń rektory Sábıt Esmuratov bilim ordasy ǵylymı keńesiniń sheshimimen «Babalar izimen» ǵylymı ekspedısııasynyń jetekshisi ári demeýshisi, mesenat, saıahatshy Sapar Ysqaqovqa «Ýnıversıtettiń qurmetti professory» ataǵy berilgenin aıtyp, oǵan saltanatty túrde mantııa kıgizdi.
«Mundaı azamattar biz úshin maqtanysh. Sapar Ysqaquly búginge deıin álemniń 165 elin aralady. Elimizde týrızmniń damýyn nasıhattap, oǵan tikeleı úles qosyp keledi. Sonymen qatar, ol halqymyzdyń óneriniń óristeýine mol úles qosyp, mesenattyqtyń, qaıyrymdylyq sharalardyń ozyq úlgisin kórsetip keledi. Sapar aǵanyń ár isi búgingi stýdentterge tamasha úlgi», dedi Sábıt Paryzuly.
Sapar Ysqaquly ýnıaersıtettiń ǵylymı keńesine ózine kórsetken qurmet úshin alǵys bildirdi. Osydan keıin ekspedısııanyń maqsaty jáne Elbasy aıtqan rýhanı jańǵyrý, óziniń saıahattary týraly tanymdyq, taǵylymdyq áńgime aıtyp berdi.
Názıra Járimbetova,
«Egemen Qazaqstan»
