"QazAgro" ulttyq basqarýshy holdıngi" AQ dırektorlar keńesiniń 02.05.2017 jylǵy sheshimine sáıkes 2017 jylǵy 10 mamyrda Gúlnaz Atamqulova "QazAgro" ulttyq basqarýshy holdıngi" AQ basqarma tóraǵasynyń orynbasary mindetin atqarýǵa kiristi", - delingen habarlamada.
Atamqulova Gúlnaz Tórehanqyzy 1968 jylǵy 9 qyrkúıekte Almaty oblysynda týǵan. S.M.Kırov atyndaǵy Qazaq Memlekettik ýnıversıtetin, T.Rysqulov atyndaǵy Qazaq Memlekettik ekonomıkalyq ýnıversıtetiniń janyndaǵy Eýrazııa naryq ınstıtýtyn "qarjy jáne nesıe" mamandyǵy boıynsha, Qazaq gýmanıtarlyq-zań ýnıversıtetin (MVA) aıaqtaǵan.
Eńbek qyzmetin 1991 jyly T.Rysqulov atyndaǵy Qazaq Memlekettik ekonomıkalyq ýnıversıtetinde oqytýshy bolyp bastady. Ár túrli jyldary "Eýrazııa banki" JAQ, "Ortalyq-Azııa trast kompanııasy" AQ jumys istedi. 2007 jyldan bastap "QazAgro" holdıngi" AQ júıesinde jumys isteıdi.
2007 jyldyń maýsym aıynan bastap "Aýyl sharýashylyǵyn qarjylaı qoldaý qory" AQ Basqarma tóraǵasynyń orynbasary, 2010 jyldyń aqpan aıynan bastap "Aýyl sharýashylyǵyn qarjylaı qoldaý qory" AQ basqarma tóraıymy, 2014 jyldyń sáýir aıynan bastap "QazAgroQarjy" basqarma tóraǵasynyń orynbasary, sodan keıin basqarma tóraǵasynyń m.a. qyzmetin atqardy. Al 2015 jyldyń maýsym aıynan bastap "Agrarlyq nesıe korporasııasy" AQ basqarma tóraıymy laýazymynda qyzmet etti.
Aıta keteıik, "QazAgro" ulttyq basqarýshy holdıngi" AQ quramyna kiretin kompanııalardyń ınvestısııalyq aktıvterin tıimdi basqarýdy qamtamasyz etý arqyly Qazaqstannyń agroónerkásiptik keshenin damytý jónindegi memlekettik saıasatty iske asyrady. Holdıngtiń quramyna "Azyq-túlik kelisim shart korporasııasy" ulttyq kompanııasy" AQ, "QazAgroО́nim" AQ, "QazAgroQarjy" AQ, "Agrarlyq nesıe korporasııasy" AQ, "Aýyl sharýashylyǵyn qarjylaı qoldaý qory" AQ, "QazAgroKepil" AQ jáne "QazAgroMarketıng" AQ kiredi.
