Kezdesý barysynda saıası jáne saýda-ekonomıkalyq, onyń ishinde týrızm, mádenıet jáne sport salalaryndaǵy Qazaqstan-Taıland qarym-qatynastarynyń damý qarqyny talqylandy. M.Esenbaev Korolge Taılandta qyzmet atqarǵan kezeńi – 1998-2000 jáne 2013-2017 jyldary kórsetken qoldaýy úshin alǵysyn bildirdi.
Taıland Koroli elshige ekijaqty qarym-qatynastardyń damýyna qosqan úlesi úshin alǵys aıtyp, Qazaqstan men Taıland arasyndaǵy qarym-qatynastarda Qazaqstan Prezıdenti Nursultan Nazarbaevtyń róli erekshe joǵary ekenine nazar aýdardy.
«Qazaqstan men Taıland ekijaqty qatynastardy damytýda jáne halyqtar arasyndaǵy dostyqty nyǵaıtýda eleýli progreske qol jetkizdi. Men Qazaqstan Respýblıkasynyń Prezıdenti N.Nazarbaevty asa qurmetteımin jáne onyń Qazaqstan-Taıland yntymaqtastyǵyn serpindi damytýǵa qosqan úlesi úshin alǵysymdy bildiremin», dedi Korol.
Kezdesý sońynda Taıland Koroli Qazaqstan Prezıdentine izgi tilekterin joldady, al dostas Qazaqstan halqyna ıgilik pen gúldený tiledi.
