Kezdesý barysynda otandyq dıplomat M.Aýnǵa Qazaqstan Prezıdenti N.Á.Nazarbaevtyń iltıpatyn jetkizip, Qazaqstandaǵy qazirgi áleýmettik-ekonomıkalyq jaǵdaı, sondaı-aq elimizdiń aýqymdy halyqaralyq bastamalary jóninde habardar etti. Sondaı-aq, A.Berdibaı Lıvan Prezıdentiniń aldaǵy 10-11 qyrkúıekte Astanada ótetin Islam Yntymaqtastyǵy Uıymynyń Bilim jáne tehnologııalar jónindegi birinshi sammıtine qatysatynyna senim bildirip, Qazaqstan-Lıvan qarym-qatynastaryn nyǵaıtý jáne ilgeriletý boıynsha jumys júrgizetinin málimdedi.
Lıvan Prezıdenti dostyq jáne ózara senimge negizdelgen baılanystardy damytýǵa baǵyttalǵan barlyq bastamalardy qoldaıtynyn qýattady.
Elshi A.Berdibaıdyń Beırýt qalasyna jasaǵan sapary sheńberinde Lıvannyń Syrtqy ister mınıstri Djýbran Basıl men SIM-niń Bas hatshysy Sharbel Ýahbemen kezdesýler ótti. Suhbat aıasynda taraptar Lıvan Prezıdentiniń IYU Ǵylym jáne tehnologııalar sammıtine qatysý, eki eldiń syrtqy ister mınıstrlikteri arasynda saıası konsýltasııalar ótkizý, ekijaqty qatynastardyń sharttyq-quqyqtyq bazasyn keńeıtý, múddeli mınıstrlikter men vedomstvolar arasynda ózara saparlar uıymdastyrý múmkindikteri jóninde pikir almasty.
