Qalanyń barlyq alańdarynda ádemi áýender estiledi. Sharaǵa qatysýshylar 4-6 shilde aralyǵynda óz kórermenderine keremet kóńil-kúı syılaıdy.
Bıyl festıvalge Astana qalasynyń Memlekettik akademııalyq fılarmonııasynyń úrmeli aspaptar orkestri, Astana qalasy Ulttyq ulanynyń úlgili-kórsetilimdi orkestri, MKQ úrmeli aspaptar orkestri, Mońǵolııa Qorǵanys mınıstrliginiń Áskerı ýchılıshesiniń úrmeli aspaptar orkestri Bishkek qalasynyń Merııasy janyndaǵy úrmeli aspaptar orkestri, Qyrǵyzstan, Orynbor qalasynyń úrmeli aspaptar orkestri, Qostanaı qalasynyń «Karnaval» bı stýdııasy qatysady.
Sharanyń ashylýy 4 shildede saǵat 20:00-de qalalyq alańda ótedi. Kelesi kúni saǵat 10:00-de mýzykalyq mereke qalalyq saıabaqtarda jáne basqa alańdarda jalǵasyn tabady. Al keshke «Báıterek» monýmentiniń janynda bend-marafon uıymdastyrylady. Festıvaldiń sońǵy kúni barlyq ujymdardyń qatysýymen Parad-konsert ótedi. Sherý Respýblıka dańǵylymen Áskerı-tarıhı mýzeıden Jastar saraıyna deıin júrip ótedi. «Astana Samaly - 2017» festıvali qalalyq alańda Plas-konsertpen aıaqtalady.
