Álem jýrnalısteri uıymynyń sheshimimen berilgen bul syılyqty uıym basshysynyń orynbasary, belgili jýrnalıst Orxan Selen myrza tabys etti.
Al, osy rette, aımaq basshysy túrki elderiniń rýhanı baılyǵyn molaıtýǵa qosqan eleýli úlesi úshin halyqaralyq Túrki akademııasynyń prezıdenti Darhan Qydyrálini «Ońtústik Qazaqstan oblysyna sińirgen eńbegi úshin» medalimen marapattady.
Aıta keteıik, Ońtústik Qazaqstan oblysynyń ákimdigi men Halyqaralyq Túrki akademııasynyń uıymdastyrýymen kıeli Túrkistanda Túrki halyqtary jýrnalısteriniń forýmy ótip jatyr.
Túrki áleminiń ortaq aqparattyq keńistigin qalyptastyryp, memleketterdiń ózara yntymaqtastyǵyn nyǵaıtý maqsatynda uıymdastyrylǵan forýmǵa Qazaqstan, Ázerbaıjan, Bashqurtstan, Belgııa, Qyrǵyzstan, О́zbekstan, Tatarstan men Túrkııa memleketteriniń buqaralyq aqparat quraldary basshylary men jýrnalısteri qatysýda.
