Jıynnyń ashylý saltanatyna qatysqan aımaq basshysy Janseıit Túımebaev túrki elderine ortaq telearna qurý men aqparat almasý máselesin kóterdi.
«Aqparattyq keńistik qurýdaǵy basty maqsatymyz – Qazaqstan, Túrkııa, Ázirbaıjan, Túrkimenstan, Qyrǵyzstan, О́zbekstan, Tatarstan sııaqty túrki elderimen qatar, Jer sharyndaǵy túrki qaýymdastyqtarymen aqparat salasynda yntymaqtastyq ornata otyryp, jedel aqparat almasý, baspasózde serikestik qurý, túbi bir túrkige ortaq tarıh, mádenıet, bilim, óner, rýhanı qundylyqtardy birge nasıhattaý bolmaq. Iаǵnı, ol bizdiń birligimizge, rýhanı, saıası jáne ekonomıkalyq baılanystarymyzdyń nyǵaıýyna jumys isteıtin úlken dúnıe bolady degen senimdemin. Ortaq tarıhty zerttep, uǵynýǵa, bir-birimizdi tanyp, mádenıetimizdiń jaqyndasýyna ortaq telearnanyń ashylýy úlken úles qosady», – dedi oblys ákimi.
Sonymen qatar, forýmda sóz alǵan TÚRKSOI halyqaralyq uıymynyń Bas hatshysy Dúısen Qaseıinov túrki halyqtarynyń mádenı, rýhanı ıntegrasııasyndaǵy aqparat quraldarynyń mańyzyna toqtaldy.
Budan bólek, Halyqaralyq Túrki akademııasynyń basshysy Darhan Qydyráli qatysýshylarǵa túrki jurtynyń qarymdy jýrnalısteri bas qosqan Medıa forýmǵa úlken qoldaý bildirgen QR Aqparat jáne kommýnıkasııalar mınıstri Dáýren Abaevtyń arnaıy Quttyqtaý hatyn oqyp berdi.
Forým jumysyna qatysqan túrki tildes jýrnalıster memleketter arasynda aqparat almasýdyń tıimdiligin arttyrý jaıyn sóz etip, aldaǵy ýaqytta tyǵyz qarym-qatynysta jumys jasasý týraly kelisimge keldi.
