Halyqaralyq Túrki akademııasy taǵaıyndaǵan Ismaıl Gaspyraly atyndaǵy halyqaralyq Medıa syılyq birqatar memleketterdiń jýrnalısterine tabystaldy. Atap aıtqanda, túrkııalyq «Yeniçağ» gazetiniń sarapshysy Kúrshad Zorlý, Ázerbaıjannyń belgili qalamger-jýrnalısi Aıda Eıvazova, «QazAqparat» halyqaralyq aqparat agenttiginiń bas dırektory Asqar Omarov pen túrkııalyq NTV arnasynyń baǵdarlama redaktory Ahmet Ieshıltepe Medıa syılyqtyń alǵashqy ıegerleri atandy.
Sondaı-aq, basqosýda Túrki keńesiniń joba jetekshisi Djeıhýn Shahverdıev, «TRT-Avaz» telearnasynyń dırektory Murat Akkoch, bas keńsesi Brıýssel qalasynda ornalasqan «EURELIZ» Medıa jáne strategııalyq kommýnıkasııalar kompanııasynyń dırektory, jýrnalıst Elı Hadjıeva, qyrǵyzstandyq «Kabar» Ulttyq aqparat agenttigi dırektorynyń orynbasary Tynchtyk Karymshakov, túrkııalyq «NTV» telearnasynyń baǵdarlama redaktory Ahmet Ieshıltepeniń qatysýymen ekinshi otyrys ótti. Onda túrkitildes memleketter arasynda aqparat almasýdyń tıimdiligin arttyrý maqsatynda forýmǵa kelgen buqaralyq aqparat quraldarynyń ókilderi ózara tájirıbe almasyp, aldaǵy ýaqytta tyǵyz qarym-qatynysta jumys jasasý týraly kelisimge keldi.
