«Qazaqkonsert» Memlekettik konsert uıymy – Almaty qalasynda 1960 jyldary qurylǵan Qazaqstandaǵy eń iri mýzykalyq uıymdardyń biri. О́ziniń baı tarıhynyń alǵashqy kúnderinen-aq «Qazaqkonsert» qazaqstandyq mádenıettiń kósh basynda boldy. Bul jerde elimizdiń úzdik ártisteri men shyǵarmashylyq ujymdary bas qosqan.
«Qazaqkonsertte» barlyq janrlar usynylǵan: halyq óneri, klassıka, estrada. Shyǵarmashylyq quramǵa folklorlyq-etnografııalyq ansambl, «Akademııa solıstov» memlekettik kameralyq orkestri, «Astana Musical» teatry, estradalyq jáne operalyq ánshiler kiredi.
Ashat Maksımuly Maemırov – teatr óneriniń magıstri, dosent, fılosofııa ǵylymdarynyń doktory (PhD) – T. Júrgenov atyndaǵy Qazaq ulttyq óner akademııasyn drama teatr rejısseri mamandyǵy boıynsha aıaqtaǵan. «Bolashaq» Prezıdent stıpendııasynyń ıegeri. 2008 jyly Fransııanyń tanymal Université Sorbonne Nouvelle Paris 3 ýnıversıtetinde bilim alyp, Drama óneriniń Parıj ulttyq konservatorııasynda taǵylymdamadan ótken. 2010 jyly Reseı teatr óneri akademııasynda (GITIS) teatr óneri magıstri dárejesin aıaqtap shyqty.
Túrli jyldary Ashat Maksımuly Batys Qazaqstan oblystyq halyq shyǵarmashylyǵy ortalyǵynyń bas rejıssery, M. О́temisov atyndaǵy Batys Qazaqstan Memlekettik ýnıversıteti «Rejıssýra, horeografııa jáne KDR» kafedrasynyń oqytýshysy, Qurmanǵazy atyndaǵy Oral mýzykalyq kolledjiniń «Akterlyq óner» bóliminiń meńgerýshisi, Batys Qazaqstan oblystyq qazaq drama teatrynyń rejısseri, T. Júrgenov atyndaǵy QazUО́A «Teatrlyq óner» fakýltetiniń dekany, «Qazaqstannyń rýhanı damý qory» AQ-nyń vıse-prezıdenti, sondaı-aq «Qazaq áýenderi» AQ-nyń prezıdenti retinde qyzmet atqardy. 2014 jyldan bastap osy kúnge deıin T. Júrgenov atyndaǵy QazUО́A «Akterlik sheberlik jáne rejıssýra» kafedrasynyń dosenti bolyp tabylady.
