Kaspersky Lab álem boıynsha 74 memlekette "WannaCry" baǵdarlamasy arqyly 45 myń shabýyldy tirkedi. Kompanııa ókilderiniń aıtýynsha, hakerler baqylaýǵa alǵan kompıýterdi qaıtarý úshin aqy tóleýdi talap etedi. Kaspersky Lab fırmasynyń qaýipsizdik boıynsha bas sarapshysy Kýrt Baýmgartner qarajat aýdarýǵa 6 saǵat beriletinin aıtty. Al Avast kompanııasy álem boıynsha 36 myń kompıýterde vırýs baryn tirkedi.
Atalǵan shabýyldan Ulybrıtanııada Ulttyq densaýlyq saqtaý qyzmetiniń (NHS) 16 uıymy zardap shekti. Ispanııanyń Telefónica telekommýnıkasııa kompanııasy da bopsalaýǵa tap bolǵanyn habarlady. Ispanııa úkimeti de kıbershabýyl týraly aqparatty rastady.
AQSh-tyń ishki qaýipsizdik departamenti keshe azamattarǵa operasııalyq júıelerdi jańartýǵa keńes berdi. "Biz osy máselege baılanysty aqparat almasyp, tehnıkalyq qoldaý kórsetýge daıynbyz", delingen habarlamada. VVS-diń habarlaýynsha, AQSh, Taıvan, Italııa, Qytaı, Reseı jáne basqa da memleketterden osyndaı aqparattar áli de túsip jatyr.
