Qarjy basqarmasyna 2006 jyly bas maman bolyp kelgen ol, bólim meńgerýshiligine, 2013 jyly basqarma basshysynyń orynbasarlyǵyna kóterildi. Basqarmanyń burynǵy basshysy Sáýle Aımaǵambetova oblystyq arhıvter jáne qujattama basqarmasynyń basshylyǵyna taǵaıyndaldy. Vedomstvonyń ol aýystyrǵan burynǵy basshysy Gúljan Meńdekenova Tilderdi damytý basqarmasynyń basshylyǵyna bardy, onyń ornyndaǵy Janbolat Úmbetov Din isteri jónindegi basqarmany basqaratyn boldy. Oblystyq Deneshynyqtyrý jáne sport basqarmasynyń basshysy Sergeı Matvıenko «kadrlardy kóldeneń rotasııalaýǵa» baılanysty ornyn bosatty.
«QR memlekettik qyzmet týraly» zańynyń 64-babyna sáıkes 2017 jyldyń mamyr aıynan beri oblysta birinshi ret kóldeneń rotasııa júre bastady. Onda basshyǵa óz laýazymyna balama qyzmet usynylady. Sondyqtan kóldeneń rotasııa dep atalady. Qostanaıda osyǵan deıin aýystyrylǵan tórt basshy osy rotasııanyń alǵashqy qarlyǵashtary sanalady. Olardyń tórteýi de óz laýazymdarynda on jyldan asa otyrǵan. Al atalǵan zań boıynsha basshyǵa úsh jyldan keıin usynys jasalady, eger ol ózge qyzmetke barǵysy kelmese, taǵy da úsh otyrýǵa quqy bar. Al alty jyldan keıin májbúr aýystyrylady.
Kóldeneń rotasııa 2017 jyldyń aıaǵyna deıin júrgiziledi.
Názıra Járimbetova,
«Egemen Qazaqstan»
Qostanaı
