Qazaqstan Prezıdenti Qytaı Halyq Respýblıkasynyń Tóraǵasy Sı Szınpındi forýmnyń tabysty ashylýymen quttyqtap, sáttilik tiledi. Nursultan Nazarbaev Reseı Prezıdenti V.Pýtınmen jáne Túrik Respýblıkasynyń Prezıdenti R.Erdoǵanmen áńgimelesip, taıaýda Astanada ótken Sırııa jónindegi kelissózderdiń qorytyndylaryn talqylady. R.Erdoǵan Astana prosesiniń nátıjelerine toqtala kele, Sırııa máseleleri jónindegi dıalogty Jenevada jalǵastyrý úshin onyń mańyzdy bolǵanyn atap ótti.
Sonymen qatar, Memleket basshysy Belarýs Prezıdenti A.Lýkashenkomen jáne О́zbekstan Prezıdenti Sh.Mırzıeevpen, Pákistannyń jáne Malaızııanyń Premer-Mınıstrleri N.Sharıfpen jáne N.Razakpen, Dúnıejúzilik ekonomıkalyq forýmnyń tóraǵasy K.Shvabpen júzdesti.
Budan bólek Nursultan Nazarbaev BUU Bas hatshysy A.Gýterrıshpen áńgimelesti. Áńgime barysynda ol Shanhaı yntymaqtastyq uıymynyń Astanada ótetin sammıtine qatysý nıeti bar ekenin rastady.
Sondaı-aq, Ispanııa Premer-Mınıstri M.Rahoı Qazaqstan Prezıdentimen áńgimelesý kezinde EKSPO-2017 halyqaralyq kórmesine Ispanııa Koroliniń qatysatynyn rastady.
