Importqa táýeldilik aıtarlyqtaı tómendeıdi

«Halyqtyń densaýlyǵyn jaqsartý, medısınalyq kó­mek­tiń qoljetimdiligi men sapasyn arttyrý Úkimettiń eń mańyzdy tapsyrmasy bolyp tabylady», – dedi A.Mamın.
Onyń aıtýynsha, densaýlyq saqtaý júıesinde júrgizilip jatqan reformalar men 2017 jyl­dyń 1 shildesinen bastap mindetti medısınalyq saqtan­dyrý júıesin engizý qar­jylan­dyrý kólemin ulǵaıtyp, medı­sınalyq qyzmetterdiń qolje­timdiligin arttyrady.
Elbasynyń Joldaýda aıt­qan tapsyrmalaryn oryndaý maqsatynda, qazirgi ýaqytta dári­lik zattardyń baǵasyn, onyń ishinde naryqtaǵy baǵasyn zańna­malyq retteý sharalary júr­gizilýde. Bul másele Parlamentte talqylaýǵa engiziledi.
Premer-Mınıstrdiń bi­rin­shi orynbasary atap ótken­deı, Úkimet dárilik zattardy shy­ǵaratyn otandyq óndirýshilerdi qoldaý jumystaryn jalǵa­s­ty­rýda. 2016 jyly qazaqstandyq farmasevtıkalyq ónim kólemi 42,4 mlrd teńgeni qurady, ol farmasevtıkalyq naryqtyń jalpy kóleminiń 8-12% quraıdy. Memlekettik satyp alý kólemi 25,6 mlrd teńge nemese jalpy kólemniń 60%-y. A.Mamın aıtqandaı, «ım­portqa táýeldilikti tómendetý maq­satynda, aldaǵy 5 jylda  dá­ri­lik zattardyń otandyq óndir­i­sin 2 esege ulǵaıtý jospar­lanýda».
Ol sondaı-aq, Eýrazııalyq ekono­mıkalyq odaq aıasynda medı­sınalyq zattar men dári-dár­mektiń biryńǵaı naryǵyn qa­lyptastyrý boıynsha turaqty túrde jumystar júrgizilip jatqandyǵyn atap ótti.
A.Mamın búginde qaýip­siz, tıimdi jáne sapaly dári men dárilik zattardyń qolje­tim­diligin joǵarylatýǵa, far­masev­tıkalyq bıznesti damytýǵa ba­ǵyttalǵan 70 qujat boıynsha jumys jasalyp jatqandyǵyn aıtty.