Merekelik jıynǵa Parlament Májilisiniń depýtaty Saýytbek Abdrahmanov, qalalyq bilim basqarmasy basshysynyń mindetin atqarýshy Ánýar Janǵozın, osy mektepte bilim alǵan túlekter, ardager ustazdar men ata-analar qatysyp, jyly lebizderin bildirdi.
Mereıtoılyq jıynǵa qatysýshylar aldymen mektep tarıhynan syr shertetin murajaıdy jáne oqýshylar shyǵarmashylyǵyna arnalǵan bilim kórmesin tamashalaýdan bastaldy. Sondaı-aq, mektep aýlasynda qazaq kúresi, karate-do, toǵyzqumalaqtan sporttyq saıystar ótti.
Jyr alyby Jambyl Jabaevtyń esimimen atalatyn bilim oshaǵynda turaqty túrde aqyndar aıtysyn ótkizip turý bul mekteptiń dástúrine aınalǵan desek te bolady. Osy joly da mekteptiń túlegi Syrym Áýeshan sekildi birneshe respýblıkalyq aqyndar aıtysynyń júldegerleri men oqýshylardan quralǵan aqyndardyń 4 juby óner kórsetti. Shara sońy Marjan Arapbaeva bastaǵan estrada juldyzdarynyń oryndaýyndaǵy konserttik baǵdarlamamen jalǵasyn tapty.
Almas MANAP,
«Egemen Qazaqstan»
