«Qystyń qaqaǵan sýyǵynda ata-anamyz malǵa jem-shóp berip, qınalyp júrgenin kórgende olarǵa kómekteskimiz keldi. Sondyqtan, osyndaı qultemirdi jasap shyǵardyq. Bul qurylǵy, ásirese, jasy úlken, járdemge muqtaj adamdarǵa septigin tıgizedi dep oılaımyz», degen ol bolashaqta robotty odan ári jetildirip, kólemin de ulǵaıtýdy josparlap otyrǵandaryn jetkizdi.
Qazir atalǵan mektep-lıseıde 12 robot bar eken. Bilim ordasy dırektorynyń oqý isi jónindegi orynbasary Anar Sadybekova mektepte jańa oqý jylynan bastap 5-11 synyp oqýshylaryna robot tehnıkasy páni aptasyna bir ret oqytylyp jatqanyn tilge tıek etti. Budan bólek robot tehnıkasy degen arnaıy bólme bar. Mundaǵy on eki robottyń beseýiniń qurylǵylaryn Semeıdegi Shákárim atyndaǵy memlekettik ýnıversıtettiń basshylyǵy tartý etipti. Qalǵan altaýy aýdan ákimdiginiń qoldaýymen satyp alynǵan. Mundaı kabınet ázirge Abaı aýdanynda osy mektep-lıseıde ǵana ashylǵan.
Azamat QASYM,
«Egemen Qazaqstan»
Shyǵys Qazaqstan oblysy, Abaı aýdany
