Olar Petropavl qalasyna jaqyn Esil ózeni jáne odan tómen Reseı Federasııasy Túmen oblysyna deıingi ózen alqabynda ornalasqan eldi mekenderdegi sý tasqynynan zardap shekken aımaqtardy tikushaqpen aralap shyqty.
Búginde óńirde sý apaty zardabyn barynsha azaıtý boıynsha Úkimet jáne jergilikti bılik tarapynan keshendi sharalar júrgizilýde. 61 eldi mekende 49 shaqyrymǵa jýyq jerdiń bógetteri nyǵaıtyldy, 18 shaqyrymǵa jýyq sý burǵysh kanaldar qazyldy. Injenerlik jumystardy júrgizý, sondaı-aq, sý ótkelderi arqyly adam jáne azyq-túlik tasymaldaý, Esil ózenindegi sý deńgeıin baqylaý jumystaryna 2007 adam, 394 birlik tehnıka jáne 23 júzý quraldary, 94 motopompa, sondaı-aq tótenshe jaǵdaılar komıssııasy kúshteri men quraldary, Astana jáne Almaty qalalarynan 3 jedel-qutqarý toptary jumyldyryldy.
Sý alǵan eldi mekenderdegi adam tasymaly, sý basqan aýmaqtardy tazalaý, Esil ózenindegi sý deńgeıi turaqty baqylaýǵa alyndy.
Vıse-mınıstr qarǵyn sýdan zardap shekken otbasylardyń bárine kómek kórsetiletinin atap kórsetti.
О́mir Esqalı
«Egemen Qazaqstan»
