Alqaly jıyndy ýnıversıtet rektory Serik О́mirbaev kirispe sózben ashyp, elimizben qatar Qytaıdan, Reseıden, Qyrǵyzstannan jýrnalıstıkanyń ózekti problemalaryn qozǵaıtyn baıandamalardyń kelip túskenin jetkizdi.
Belgili ǵalym Zarqyn Syzdyquly jıyrmaǵa jýyq oqýlyqtar men monografııalardyń avtory. Abylaı hanǵa, Abaıǵa, Maǵjanǵa, Qyzyljar ólkesine qatysty súbeli eńbekteri derekter men maǵlumattarǵa baı. Ol negizin qalaǵan jergilikti jýrnalıstıka bóliminen 100-ge tarta jýrnalıster men magıstrler qanattanyp ushty. Jýrnalıstıka kafedrasynyń qurylýyna uıytqy boldy.
Alqaly basqosýda «Nur Otan» partııasy Tóraǵasynyń birinshi orynbasary Muhtar Qul-Muhammedtiń, Bilim jáne ǵylym mınıstri Erlan Saǵadıevtiń, Mádenıet jáne sport mınıstri Arystanbek Muhamedıulynyń, Soltústik Qazaqstan oblysynyń ákimi Qumar Aqsaqalovtyń, Qaraǵandy oblysynyń ákimi Erlan Qoshanovtyń, Parlament Májilisi depýtattarynyń quttyqtaý hattary oqyldy.
Qaraǵandy oblysynyń delegasııasyn bastap kelgen oblystyq «Ortalyq Qazaqstan» gazetiniń bas redaktory Maǵaýııa Sembaı jerlesteri atynan shapan jaýyp, arǵymaq mingizdi. Almaty, Astana, Pavlodar, Kókshetaý, Qostanaı oblystarynan kelgen ókilder de úlken qurmet kórsetti.
Plenarlyq májiliste baıandamalar oqylyp, jan-jaqty oı-pikirler aıtyldy.
«Atadan asyl amanat» jáne «Babadan qalǵan baıtaǵym» eki tomdyq jınaqtarynyń tusaýkeseri ótti.
О́mir Esqalı,
«Egemen Qazaqstan»
