Memorandýmnyń negizgi maqsaty – qarjy ortalyǵy qyzmetkerleriniń biliktiligin arttyrý úshin birlesken bilim alý jəne zertteý jobalaryn júzege asyrý.
«Astana» Halyqaralyq qarjy ortalyǵynyń basshysy Qaırat Kelimbetovtiń aıtýynsha, AHQO-nyń əlemdik talaptarǵa saı qarjy ortalyǵyna aınalýy úshin halyqaralyq deńgeıdegi mamandardy daıyndaý asa mańyzdy.
Aıta keteıik, 2015 jylǵy jeltoqsan aıynda Qazaqstan Respýblıkasynyń Prezıdenti Nursultan Nazarbaev «Astana» halyqaralyq qarjy ortalyǵyn (AHQO) qurý týraly Konstıtýsııalyq zańǵa qol qoıdy. AHQO-nyń maqsaty – qarjylyq qyzmetterdi kórsetetin halyqaralyq deńgeıdegi jetekshi ortalyq qalyptastyrý. Postkeńestik keńistikte tuńǵysh ret aǵylshyn quqyǵynyń qaǵıdattary engiziledi. Qarjy ortalyǵynyń resmı tili – aǵylshyn tili bolady.
AHQO-nyń mindetteri – qarjylyq qyzmetter salasynda ınvestısııalaý úshin tartymdy orta qurý arqyly el ekonomıkasyna ınvestısııalar tartýǵa járdemdesý, Qazaqstan Respýblıkasynyń baǵaly qaǵazdar naryǵyn damytý, onyń halyqaralyq kapıtal naryqtarymen yqpaldasýyn qamtamasyz etý. AHQO sondaı-aq, elimizde saqtandyrý, bank qyzmetteri men ıslamdyq qarjylandyrý naryǵyn damytýǵa nıettenedi.
Sınhýa ýnıversıteti – Qytaıdaǵy 1911 jyly qurylǵan. Aspan asty elindegi eń negizgi 9 elıtalyq oqý oryndarynyń qataryna enedi. Únemi Ulttyq reıtıngtiń alǵashqy oryndaryna ıe bolady.
