Eki jaqty kezdesýge Bonn ýnıversıtetiniń professory Shtefan Kýrsman, Kún energetıkasy ınstıtýtynyń dırektory Ýlf German, Kún energetıkasy ınstıtýtynyń jańǵyrmaly energııa kózderi departamentiniń basshysy Krıshtıaný Boýran men M.Áýezov atyndaǵy Ońtústik Qazaqstan memlekettik ýnıversıtetiniń aǵa oqytýshy, professorlary qatysty.
Onda qos tarap Germanııa memleketiniń Iýlıh qalasyndaǵy Kún energetıkasy ınstıtýtynyń arnaıy jobasyn Ońtústik Qazaqstan oblysynda júzege asyrý jaıyn talqylady.
Sonymen qatar, professor Sh.Kýrsman M.Áýezov atyndaǵy Ońtústik Qazaqstan memlekettik ýnıversıteti men Germanııa memleketiniń Iýlıh qalasyndaǵy Kún energetıkasy ınstıtýty arasynda tyǵyz qarym-qatynas ornatylyp, energetıka salasynda ınnovasııalyq jańa tehnologııalardy damytý baǵytynda birqatar ǵylymı-zertteý jumystary júrgizilip jatqanyn málim etti.
Joǵaryda atalǵan birlesken jobanyń negizgi maqsaty arnaıy jyljymaly qondyrǵylar ornatý arqyly Qazaqstannyń shalǵaıda turatyn fermerler men mal sharýashylyǵymen aınalysatyn shaǵyn bıznes ókilderin elektr energııa jáne aýyz sýmen qamtamasyz etý bolyp tabylady.
Bul arnaıy jyljymaly qondyrǵy kóbinese kún energııasyn paıdalaný arqyly jumys isteı alady. Joba naqty zerttelip qondyrǵylar oblysymyzǵa ornatylatyn jaǵdaıda, qosymsha jumys oryndary ashylady.
Eki el ýnıversıtetine ortaq zertteý jobasy bolyp tabylatyn ınnovasııalyq jańa tehnologııalardy damytý GFR Bilim mınıstrligi jaǵynan qarjylandyrylady. Kezdesý barysynda Jaqyp Quttybekuly atalǵan jobanyń asa qajet ekenin atap ótip, oblys tarapynan germanııalyq delegattarǵa jan-jaqty qoldaý kórsetiletinin jetkizdi.
