Otyrys barysynda qatysýshylar Jastar jáne sport salasyndaǵy yntymaqtastyq boıynsha jumys tobynyń qyzmetin, Túrki keńesiniń jastar platformasynyń reglamentin retteıtin qujattardy maquldady, sondaı-aq Túrki keńesi elderinde ótetin III Kóshpendilerdiń dúnıejúzilik oıyndary, I Túrki ýnıversıadasy, Túrki keńesi elderiniń II jastar festıvali sııaqty birqatar aýqymdy is-sharalarǵa daıyndyq barysyn talqylady.
B.Aryn óziniń sózinde qatysýshylardy Qazaqstan Respýblıkasynyń Prezıdenti N.Á.Nazarbaevtyń
«Bolashaqqa baǵdar: rýhanı jańǵyrý» atty baǵdarlamalyq maqalasynda kóterilgen negizgi bastamalarymen tanystyrdy. Sonymen qatar, vıse-mınıstr ulttyq qundylyqtarymyz ben tarıhymyzdy, salt-dástúrimizdi, mádenı eskertkishterimizdi jańǵyrtýda Túrki keńesi elderimen ózara yntymaqtastyqtyń mańyzdylyǵyn atap ótti:
Sondaı-aq, B.Aryn túrkitildes elderdi 2017 jylǵy 10-16 shilde aralyǵynda Aqmola oblysyndaǵy Zerendi aýylynda ótetin Túrki keńesine múshe elder jastarynyń halyqaralyq jazǵy lagerine belsendi túrde qatysýǵa shaqyrdy.
«Egemen-aqparat»
