«Memlekettik organdardyń strategııalyq sıfrly kommýnıkasııalary» atty semınar-praktıkýmdy Astanadaǵy Memlekettik qyzmet salasyndaǵy О́ńirlik hab Aqparat jáne kommýnıkasııalar mınıstrligimen birlesip ótkizýde.
«Jahandaný jáne aqparattyq-kommýnıkasııalyq tehnologııalar damýy – memleket pen azamattar arasyndaǵy qarym-qatynas sıpatyn ózgertip, memlekettik qyzmet damýy úshin synaqqa ári múmkindikke aınaldy, – dedi semınardy ashqan О́ńirlik hab basqarýshy komıtetiniń tóraǵasy Alıhan Baımenov. – Túptep kelgende, memlekettik organdar kvazıbásekelestik ortada jumys isteı bastady, osy kontekste sıfrly kommýnıkasııalar quraldaryn tıimdi paıdalaný mańyzy aıryqsha arta túsýde».
Kanadanyń Memlekettik sektordaǵy marketıng boıynsha ozyq tájirıbe ortalyǵynyń (CEPSM) basqarýshy seriktesi ári aǵa keńesshisi Maık Kýdjaskı memlekettik organdardy áleýmettik medıada ilgeriletý boıynsha álemdegi jáne aımaqtaǵy sıfrly úrdister jaıly baıandady.
Semınar-praktıkým aıasynda qatysýshylar áleýmettik jeliler arqyly jurtshylyqty habardar etýdiń tıimdi ádisterimen jáne qoǵammen qarym-qatynas jasaý úshin ınternet resýrstaryn paıdalanýdyń zamanaýı quraldarymen tanysady. Sonymen birge olar ártúrli mysaldardy qarastyrady, áleýmettik jelilerdegi táýekelderdi anyqtaýdy jáne baǵalaýdy, monıtorıng pen kontent saraptamasyn jasaýdy úırenedi.
Semınar Ult josparyn aqparattyq jaǵynan qamtý baǵytyna, bes ınstıtýttyq reformany júzege asyrý, onyń ishinde, BAQ, ınternettegi, áleýmettik jelilerdegi qazaqstandyq birtektilik ıdeıasyn júzege asyrýdy ilgeriletýge qoldaý kórsetý maqsatynda ótkizilýde.
Semınar-praktıkým jumysyna Qazaqstannyń ortalyq memlekettik organdar men oblystyq ákimdikterdiń baspasóz-hatshylary qatysýda. Qatysýshylarǵa kommýnıkasııalar salasyndaǵy kanadalyq ozyq tájirıbe negizinde CEPSM ázirlegen «Áleýmettik jelilerdegi strategııalyq qatysý praktıkalyq nusqaýlyǵy» berildi.
Semınar-praktıkým nátıjesinde áleýmettik jelilerde halyqpen ózara qarym-qatynasty jaqsartý maqsatynda qatysýshylardyń pikir jáne tájirıbe almasatyn onlaın tuǵyrnamasy jasalady.
