Komıtet tóraǵasy Asqar Beısenbaev otyrysty asha kelip, Prezıdent N.Á.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» Joldaýynda ekonomıkany jedel tehnologııalyq jańǵyrtý birinshi basymdyq bolyp belgilengenin atap ótti. Joldaýda elimizde 3D sıpatynda basý, onlaın-saýdasy, mobıldi bankıng, sıfrlyq qyzmet kórsetýler sekildi keleshegi zor salalardy damytý qajettigi týraly atap ótildi. Odan basqa, Memleket basshysy joǵary oqý oryndary men «Alataý» ınnovasııalyq tehnologııalar parki negizinde ǵylymı jáne ınnovasııalyq áleýetti damytýdy tapsyrǵan bolatyn.
«Innovasııalyq tehnologııalar parki» derbes klasterlik qorynyń bas dırektory Sanjar Kettebekov ınnovasııalyq klaster qyzmeti týraly baıandama jasady. Shara barysynda arnaıy ekonomıkalyq aımaqty basqarý júıesine, AEA-daǵy salyq salý jáne keden tólemderi júıesin jetildirýge, ónimge suranysty yntalandyrý sharalaryn engizýge qatysty ózekti máseleler kóterildi. Kóshpeli otyrysqa Senat depýtattary, Investısııalar jáne damý mınıstrliginiń, basqa da memlekettik organdardyń, birqatar kásiporyndardyń basshylary, sarapshylar qatysty.
Talqylaýdy komıtet tóraǵasy A. Beısenbaev qorytyndylady. Ol Investısııalar jáne damý mınıstrliginiń ókilderin «Innovasııalyq tehnologııalar parki» ınnovasııalyq klasteriniń strategııasyn naqtylaý barysynda kóterilgen máselelerdi qarastyrýǵa jáne barlyq qajetti sheshimderdi qabyldaýǵa shaqyrdy. Qazirgi kezde mınıstrlik «Arnaıy ekonomıkalyq aımaqtar jáne ındýstrııalyq aımaqtar týraly» jańa zań tujyrymdamasyn ázirleýge kiristi. A.Beısenbaev atap ótkendeı, talqylaý nátıjesi Senat depýtattarynyń tıisti zańnamalyq aktiler boıynsha jumysy kezinde eskeriletin bolady.
Sharaǵa qatysýshylar «Tech Garden» údetkishi negizinde uıymdastyrylǵan startap-jobalar kórmesinde jáne «Innovasııalyq tehnologııalar parki» arnaıy ekonomıkalyq aımaǵyndaǵy birqatar nysandarda boldy.
Arman OKTIаBR,
«Egemen Qazaqstan»
Almaty
