Jumyspen qamtý jaǵdaıymen tanysty

Keshe Premer-Mınıstr­diń orynbasary Erbol Oryn­baev pen Eńbek jáne ha­lyq­ty áleýmettik qorǵaý mınıstri Gúlshara Ábdihalyqova jumys saparymen Qara­ǵan­dy oblysynda boldy. Ju­mys saparynyń basty maq­sa­ty – «Jumyspen qamtý-2020» memlekettik baǵdarlamasy­nyń júzege asý jaıymen ta­nysý.  2011 jyldyń 1 shildesinen bastap, Qaraǵandy oblysynda  turǵyndardy jumyspen qamtý­dyń 19 ortalyǵy jumysyn bas­tady. Olardyń mindeti baǵ­dar­lamada kózdelgen memlekettik qoldaý sharalary aıasynda aza­mat­tardy sapaly qyzmetpen qam­tamasyz etý bolyp tabylady. Premer-Mınıstrdiń oryn­ba­sa­ry men Eńbek jáne halyqty­ áleýmettik qorǵaý mınıstri ju­mys sapary barysynda Osakarov aýdanyndaǵy jumyspen qamtý ortalyqtarynyń birinde boldy. Onda qonaqtar jumys kabınetterin kórip, kompıýterlik júıe jumysymen tanysty, kelýshilermen pikirlesti. Jumys sapary odan soń Temirtaý qalasynda jalǵasyn tap­ty. Munda Erbol Orynbaev, Gúl­shara Ábdihalyqova jáne Qara­ǵandy oblysynyń ákimi Serik Ahmetov «NORD Prom NS» JShS-da boldy. Aǵymdaǵy jyl­dyń ma­myr aıynda osy zaýytta In­dýs­trııalandyrý kartasyna engizilgen  betonnan jasalǵan temir jol shpaldaryn shyǵaratyn ın­ves­tısııalyq joba iske qosylǵan bolatyn. Qaraǵandyda laýazymdy meı­mandar «Gıppokrat» MF JShS men Qaraǵandy polıteh­nı­kalyq kolledjine baryp, ju­mys jaǵdaıymen tanysty. Bul mekemeler de joǵarydaǵy «NORD Prom NS» JShS sııaqty «Jumyspen qamtý-2020»  baǵ­dar­la­masynyń belsendi qaty­sý­shy­lary bolyp tabylady. 2010-2011 jj. «Gıppokrat» JShS-niń «Qalpyna keltirý, emdeý jáne medısınalyq reabılıtasııa or­ta­lyǵyn jańǵyrtý men jab­dyqtaý»  jobasynyń nesıesi sýb­sıdııalandy. Bul medı­sı­na­lyq qyzmetkerler úshin jańa jumys oryndaryn qurýǵa múm­kindik berdi. Al, polı­teh­nı­ka­lyq kolledj bolsa búgingi tań­da­ǵy suranysqa ıe maman­dyq­tarǵa oqytatyn oqý ordalary­nyń biri bolyp tabylady. Aıta ketý kerek, aǵymdaǵy jyly Qaraǵandy oblysyna joǵaryda atalǵan baǵdarlamany júzege asyrýǵa respýblıkalyq bıýdjetten  6 mlrd. 464 mln. teńge bólinip otyr. «Egemen-aqparat».