Kórme Qazaqstandaǵy ólsheýish tehnologııasynyń damýy men qalyptasýy, geologııalyq aımaq málimetteriniń taldaýy, sandyq tehnologııalardy engizý, óndiristik prosesti avtomattandyrý jáne ony munaı-gaz, taý-ken óndirisi, metallýrgııa, arhıtektýra, qala, jol qurylysy, qorǵanys, sondaı-aq, ǵarysh, seısmologııa, kartografııa sııaqty salalarǵa engizý isterinde qol jetkizilgen tabystarǵa arnalǵan.
Sonymen qatar, elimizdiń shveısarııalyq Leica Geosystems AG kompanııasynyń atsalysýymen sońǵy 20 jyl ishinde qol jetkizgen ǵylymı-tehnologııalyq jetistikteri de osy kórmede aıshyqtala túskendeı.
Kórmede shveısarııalyq atalmysh kompanııanyń sandyq tehnologııa, geodezııa, elektrondy kóshirme, 3D modeldeý, ásirese jer qabaty astyndaǵy kommýnıkasııa qurylǵylaryn tikeleı kartaǵa túsirý, ǵımarattar men qurylǵylar monıtorıngi sııaqty jumystarmen qatar, taý-ken kóligin dıspetcherleý isindegi sońǵy jetistikterge aıryqsha kóńil bólinipti.
Kórme kommýnıkasııa, qurylys jáne tehnologııa tarıhyna Memlekettik ortalyq mýzeıdiń qor kolleksııasynan alynǵan, jekeleı alǵanda, Qazaqstannyń ken oryndaryn ashý jáne ıgerý men kásiporyndarynyń damýy tarıhyn beıneleıtin mynadaı materıaldar negizinde tarıhı ekskýrs usyndy.
Mıra BAIBEK,
«Egemen Qazaqstan»
ALMATY
