Turǵyndar tilegi eskerýsiz qalmaıdy

Qazaqstan Respýblıkasy Parlamenti Májilisiniń Tór­aǵa­sy, «Nur Otan» HDP depýtattyq fraksııasynyń jetekshisi Oral Muhamedjanov Aqmola oblysyna jumys sapary bary­synda Kókshetaý qalasynyń turǵyndaryn jeke máseleleri boı­ynsha qabyldady. Birinshi kezek «Mıras-Kókshe» qaıy­rymdylyq qorynyń prezıdenti Nyǵ­met Erhanulyna tıdi. Onyń aıtýynsha, jalǵyzbasty jas analardy áleýmettik qorǵaý jáne ońaltý máselelerimen aına­ly­s­atyn qordyń jumysyn da­my­tý, onyń respýblıkamyzdyń ózge óńir­le­rindegi ókildikterine uı­ym­dastyrý tur­ǵysynda kómek kór­setý qajettiligi týyndap otyr. Oral Baıǵonysuly mundaı qordyń ekonomıkalyq maqsatta ǵana emes, áleýmettik-psıholo­gııa­lyq baǵytta da paıdaly ekendigin atap ótti. Qoǵamda osy sı­pattaǵy problema jıi kórinis berýde, perzenthanalardaǵy tastan­dy sá­bıler sany ósip otyr­ǵan­dyǵy jasyryn emes. Osynaý ózek­ti ispen qoǵamdyq negizde aı­nalysýshy keń júrekti aza­mat­tardyń bastamasy qoldaýǵa tu­rar­lyq. Parlament Májilisiniń Tóraǵasy ob­lys­tyq ishki saıasat basqarmasyna «Mı­ras-Kókshege» qa­jetti qoldaý kórsetýdi tap­syrdy. Áıgerim Saǵyndyqova bıyl ózi ar­man­daǵan Sh.Ýálıhanov atyn­daǵy memlekettik ýnıver­sı­tettiń «Qoldanbaly óner jáne syzý» fakýltetine túske­ni­men, grantqa ilinbeı qalypty. Áı­ge­rim turmys jaǵdaıynyń aýyr­ly­ǵyn aıta kelip, qarjylaı kómek­tiń qandaı múm­kindikteri bar­ly­ǵyn surady. – Úmitkerlerdiń barlyǵy grant úshin kúresýi qajet, – dedi Májilis spıkeri. Ol sapaly bilim jolyndaǵy bá­se­kelestikti kú­sheı­tedi. Áıtkenmen, memleket da­ryndy nemese áleýmettik qol­daý­ǵa muqtaj mektep bitirýshilerin nazardan tys qaldyrmaıdy. Sizdiń ótinishińiz osynda qaty­syp otyr­ǵan ýnıversıtet basshy­sy­nyń qa­raýyna beriledi. Másele oń sheshimin tabady degen oıdamyn. Kókshetaý memlekettik ýnı­ver­sı­te­tiniń rektory Naıman Qa­labaev oqý or­nynyń qorynan Á.S­aǵyndyqovaǵa bir jyl­dyq grant taǵaıyndalatynyn ha­bar­lady. Sondaı-aq, ol stýdent jaq­sy úlgirgen jaǵdaıda grant merzimi uzar­tylatynyn aıtty. IIM ardageri Vıtalıı Mamedbakov quqyq qorǵaý organda­ryn­daǵy qyz­me­tin 1998 jyldan keıin bastaǵan kisilerge zeınetaqy taǵaıyndaý tártibin qaıta qaraý týraly másele kóterdi. Azamat­tar­dyń bul sanaty 45 jasta zeı­net dem­alysyna shyqqanymen, zeı­­net­aqy­ny 63-ke tolǵan kúnnen bastap alatyny túsiniksiz. Osy eki aralyqta olar zeı­netaqy jı­naqtaý qoryndaǵy qarjyny ná­paqa qylatyn kórinedi. Oral Muhamedjanov suraq­tyń tý­yn­daýy negizsiz emestigin kóldeneń tar­typ, ol muqııat zerttelip, talda­nýǵa tıistigin atady. Jazbasha túrdegi aryz res­pýb­lıkalyq deńgeıdegi tıisti oryn­darǵa tapsyrylyp, arnaıy baqy­laýǵa alynatyn boldy. Qazaqstan Respýblıkasynyń eńbek sińirgen jattyqtyrýshysy Aleksandr Boıko Býrabaıdaǵy «Adrenalın ba­ǵy» jobasyna qol­daý kórsetý máse­le­sin ortaǵa saldy. Qabyldaý júrgizýshi týrıstik klasterdi damytý, sala­mat­ty ómir saltyn qalyptastyrý, azamat­tar­dyń belsendi dem­aly­syn uıym­das­ty­rý Qazaqstandaǵy memlekettik saıasat­tyń basym ba­ǵyttary qatarynda eken­digin eske saldy. Bul oraıda Shýche-Býrabaı kýrortty aımaǵyna erekshe mańyz ar­tylady. Mundaı baq bar­shamyzǵa qa­jet. Onyń ústine A.Boı­konyń qolynda «Bıznestiń jol kar­ta­sy-2020» baǵdar­lamasy sheńberinde jan-jaqty zerttelgen bıznes-jospar da bar. Aq­mo­la oblysynyń ákimdigi, ob­lys­tyq týrızm, dene shynyqtyrý jáne sport basqar­masy, jumys­pen qam­tý jáne áleýmettik baǵ­dar­­la­ma­lar­dy úılestirý basqar­ma­sy mundaı jobalardy qoldap, qozǵalysqa túsirýi tıis. Sport ardageriniń ha­ty tıisti ortalyq organdarǵa, onyń ishinde Týrızm jáne sport mı­nıstrligine tabys etiletin boldy. «Atameken» odaǵy ulttyq eko­no­mı­kalyq palatasy ókil­di­giniń dırek­tory Nartaı Ysqaqov aýyldyq eldi mekenderdi damytý taqyrybyn alǵa tartty. Parlament Májilisiniń Tór­aǵa­sy O.Muhamedjanov aýyl – altyn besik ekendigin el bola­sha­ǵymen baıla­nys­tyrdy. Aýyl­daǵy áleýmettik ın­fra­qury­lym­dy nyǵaıtýǵa qosym­sha qarjy bólý, mal sharýashylyǵyn da­my­týdyń «Sybaǵa» baǵdarlamasyn jal­­ǵastyrý jónindegi usynys qol­daýǵa turarlyq. Munymen quzyrly organdar aınalysady. «Nur Otan» partııasynyń bel­sendisi Zere Qıyqovanyń «Zeı­netaqymen qamtamasyz etý tý­ra­ly» Zańǵa ózger­týler men qo­sym­shalar engizý týraly usynysyna qatysty Parlament de­pý­tattary bul baǵytta jumys istep jat­qan­dyǵy jóninde jaýap qaıtaryldy. Májilis spıkerine ótinish-ti­lek­pen kelgen ózge de azamattar tol­ǵanysty su­raqtaryna tyńǵy­lyq­ty jaýap alyp, Oral Baı­ǵo­nys­­ulyna alǵys sezimderin jetkizdi. Baqbergen AMALBEK, Aqmola oblysy.