Koreıa Prezıdenti – Astananyń qurmetti azamaty

Keshe Memleket basshysy Nursultan Nazarbaev elimizge resmı saparmen kelgen Koreıa Respýblıkasynyń Pre­zıdenti Lı Mıon Bakke eki eldiń dos­tyq qarym-qatynasyn ny­ǵaı­tý isine qosqan eleýli úlesi úshin «Astana qalasynyń qur­metti azamaty» ataǵyn ta­bys etti. Ataqty tapsyrý rásiminde Astana qalasynyń ákimi I.Tas­maǵambetov mártebeli meımanǵa ataqty berý týraly sheshimniń 2011 jyldyń 19 tamyzy kúni qa­byldanǵanyn atap ótti. Odan ári ol Astananyń damý deńgeıi men eki el arasyndaǵy dostyq jáne yntymaqtastyǵy týraly oılary­men bólisti. «Biz sizderdi ár­qa­shan Otanymyzda qarsy alýǵa qýa­nyshtymyz. Astana – Otany­myzdyń júregi, Astana – táýel­siz­digimizdiń belgisi, Astana – ol postkeńestik keńistiktegi eń ádemi, sáýleti men dáýleti jaras­qan qala. Astana – Ult kósh­bas­shysy, Prezıdent Nursultan Nazarbaevtyń qalasy», – dedi ol. Odan keıin qala ákimi eki el prezıdentteriniń dostyq qarym-qatynastarynyń arqasynda Qa­zaq­stan men Koreıa elderiniń saıası jáne ekonomıkalyq ynty­maq­tastyǵy jyldan-jylǵa damyp, sońǵy kezderi eki eldiń saýda aınalymy artyp kele jatqanyn atap ótti. Ol qazir elimizde 300-den astam birlesken kásip­oryn­dardyń jumys isteıtinin, sonyń nátıjesinde Qazaqstanǵa Koreıadan 4 mlrd. AQSh dollary kó­leminde ınvestısııa tartyl­ǵa­nyn jetkizdi. Osydan keıin saltanatty sharada Astana qalasy máslı­haty­nyń hatshysy V.Redkokashın Koreıa Respýblıkasynyń Prezıdenti Lı Mıon Bakke qalanyń qur­metti azamaty ataǵyn berý tý­raly sheshimdi oqyp bergennen keıin, Elbasy N.Nazarbaev már­tebeli meımanǵa «Astana qala­synyń qurmetti azamaty» ataǵyn tapsyrdy. Dastan KENJALIN, Sýretterdi túsirgender S.BONDARENKO, B.OTARBAEV.