Forýmǵa qatysýshylarǵa quttyqtaý joldady

Qazaqstan Respýblıkasynyń Prezıdenti Nursultan Nazar­baev «Altaı – Túrki áleminiń altyn besigi» tuńǵysh halyqaralyq forýmyna qatysýshylarǵa quttyqtaý jol­dady, dep habarlady Qazaqstan Respýblıkasy Prezıdenti­niń baspasóz qyzmeti. Onda bylaı delingen: «Altaı – Túrki áleminiń altyn besigi» tuńǵysh halyqaralyq fo­rý­myna qatysýshylarǵa sálem joldaımyn. Altaı ejelden «órkenıet besigi» – Eýrazııa qur­lyǵyndaǵy kóptegen túrki halyqtarynyń atamekeni sana­la­dy. О́ziniń tabıǵatynan ǵa­jaıyp ólke Eýrazııanyń geo­gra­fııalyq jáne saıası orta­ly­ǵy bolyp tabylady». Qazaqstan basshysy óziniń quttyqtaýynda sondaı-aq kóne túrki jazbasy dál osy jerde paıda bolǵanyn, bizdiń ata-ba­balarymyzdyń tarıhy týraly aıtatyn kóptegen eskertkish­ter­diń de osy jerde jasal­ǵa­nyn atap kórsetedi. «Uly kóshi-qon» ýaqytynda Taýly Altaı aýmaǵy kóne mádenı dástúrlerdi saqtaýshylardyń transmıgrasııasy ótken «dáliz» boldy», deıdi óz quttyq­taýynda Prezıdent. Altaıdy qaıta jań­ǵyr­tý­dyń qazirgi kezeńi kóptegen mem­le­ketter men halyqtardyń múd­de­sine jaýap beredi. О́ıt­keni, bul úderis búkil Eýrazııa qurly­ǵyn­da mádenı jáne gý­ma­nıtarlyq yntymaqtastyqty odan ári tereńdetý úshin is-qımyl tuǵyrnamasy qyzmetin atqarady. Memleket basshysy qut­tyq­taýynyń sońynda forýmǵa qa­ty­sýshylar Shyǵys pen Batys halyqtaryn birlikke úndeıtin ǵa­jaıyp óńirdiń qaıta jań­ǵy­rýy jolynda odan arǵy qa­dam­daryn aıqyndaıtynyna senim bildiredi jáne jemisti jumys tileıdi.