Naǵashy men jıen

Uzaq ýaqyt boıy qýǵyn-súrginde bolyp, shartarapty aralap alǵan bilimi esh kádesine jaramaǵan ákemniń elge kelgennen keıin de aıy ońynan týa qoımaǵan. Bastan ótkergen muń-nala tekke ketsin be, alpysynshy jyldarǵa qaraı jińishke aýrýdan kóz jumdy. Endigi bar súıenerimiz anamyz bop qaldy. Anamyz Aqysh qajyrly adam edi, áıtse de bizdi jetkerip, qatarǵa qosý oǵan da ońaı bolǵan joq. Biraq syr bermeı, bárimizdiń bilim alýymyzǵa barynsha jaǵdaı jasady.
Balalary ósip, tynysy keńigen tusta Jambyl Jabaevtyń 120 jyldyǵy bolady eken degen habarǵa ol eleń ete qaldy. Qajyp júrgen ýaqytta sen de meniń bir balamsyń dep, baýyryna basyp, meıir-qaıyryn tókken tátesiniń sol mereıtoıyna barýǵa ańsary aýǵany sonsha, bala qusap kún sanaýǵa kóshken. Sonymen, kútken ýaqyt ta kelip jetti. Qasyna qudaǵıy Kerim apa men qyzy Aıshahandy ertip, ol jolǵa shyqty.
Bul kezde meniń Almatyda oqyp júrgen kezim. Sondyqtan, apamnyń bul toıdan alǵan lázzatty sátterin dál ýaq­t­ysynda estı alǵanym joq. Alaıda, aýyl­ǵa barǵan kezimde anama qoıǵan alǵashqy suraǵym da osy boldy.
– Apa, tórkinińe baryp, kóńiliń bir jaılanyp qaıtty ma? Ákeńizdiń toıyn kórdińiz be? – dedim men.
Apamnyń bul bala shaǵynan keıin týǵan aýylyna alǵash barýy ǵoı. Alǵan áseri ushan-teńiz tárizdi. Birinen keıin birin áńgimelep jatyr. Jambyl tátesiniń jambasy tıgen jerge barǵanyn, toıdan kórgen qyzyǵyn, tipti áke-sheshesiniń kózin kórgen adamdardy da kezdestirgenin aıtyp taýysa alar emes. Bul bul ma, qyzyqtyń bári alda eken. Qalaǵa qaıtar kezde apam toqtatyp aldy da, qıyla turyp, maǵan bir ótinish aıtty.
– Balam, úlken qalada júrsiń ǵoı. Maǵan bir adamnyń deregi kerek bolyp tur... dep sóz aıaǵyn kúmiljı bitirgen ol sál oılanyp turdy da: – Meniń ákem Tileý­jannyń baýyry Tilendiden bir tuqym qalypty. Sony izdestirip kórshi, – dedi.
Eleńdep turǵan jas kezimiz ǵoı. Shy­nym­dy aıtsam, onyń bul sózine mán ber­megenim sonsha, bylaı shyǵa umytyp ta úlgerdim.
 Aýylǵa qaıta barǵanymda anam óz ótinishiniń habaryn kútip júrgenin aıtty. Sonda ǵana men ótkendegi sózdi esime túsirdim. 
– E, úlken qaladan bireýdi tabý ońaı emes shyǵar. Aıtpaqshy, jurttan suras­tyrǵan kezde ony ekeıdiń ishinde Bota­ǵaradan taraǵan deýdi umytpa, – dedi ol.
 Naǵashy jurtymdy eshýaqytta kórmegen, olardyń jylýyn sezinbeı óskendikten be eken, maǵan sol sát apamnyń bul ótinishi múldem qulaqqa kirmeıtin, bos sóz sııaqty kóringen. Uıat-aı, sol sát ózimniń eshkimdi eshqaıdan izdeı qoımaıtynymdy aıqyn sezine turyp, taǵy da jaraıdy degendeı raı tanyttym. Tipti, bylaı shyqqan soń da apamnyń bul tilegi tym oǵash nárse sııaqty kóringeni sonsha, «Qudaı-aý, ekeıdiń ishinde Botaǵara degen atasynan taraıtyn Tilendiden bir tuqym qalypty. Sony izdep júrmin», dep kimge aıtamyn  dep kúıinemin óz-ózimnen. Árıne, men anamnyń nendeı sózi bolsa da jerge tastaǵan emespin. Biraq myna tilegi... 
– Apa, sonda Tilendiden qalǵan bir tuqym degen kim? Ony sizge kim aıtty? – dedim mezi bolǵan men.
– Áı, kim deıtindeı... Ol seniń naǵashyń. О́tkende Jambyl tátemniń toıyna barǵanda estidim... Meni osy qalpymmen aspannan túse qaldy dep pe ediń. Meniń de ata-anam bolǵan. Er­te qaıtyp ketse de, olardy biletin bir­li-jarym adamdar áli de bar eken. Solar Tilendi kókemnen bir tuqymnyń qal­ǵanyn, onyń Almatyda turatynyn aıtty. Ol da Atabaı kókem sııaqty, ónerge jaqyn adam kórinedi. Al ondaı adamdy tabý­ǵa bolady ǵoı, – dep qosyp qoıdy. 
Ýaqyt zyrlap óte berdi. Meniń jaýabymda da esh ózgeris joq. Osylaısha erensizdik tanytyp júrgenime apam birde kádimgideı ókpelep te qaldy.
Toqsanynshy jyldardyń basynda apamdy da qaıtpas saparǵa shyǵaryp saldyq. Odan ári qaraı ózim qyzmet isteı­tin «Egemen Qazaqstan» gazeti Astanaǵa kóship, biz de sol qalaǵa qonys aýdardyq. Sondaı kúnderdiń birinde úıde Jambyl Jabaevtyń nemeresi Álimqul aqyn aǵanyń qonaq bolǵany bar.
Úıge kelgen kezde onyń kózi birden tórdegi anamnyń sýretine tústi.
– Áý, aınalaıyn, munda ápkem otyr ǵoı, – degen ol beınebir tiri adammen júzdesip turǵandaı, ol kisimen de aman­dasyp jatyr.
– Siz ol kisini tanıtyn ba edińiz? – dedim men anamnyń tórkin jurtynan jyraqta óskenin eske alyp.
– E, nege tanymaımyn. Jas kezinde kórgenim bar. Onyń ústine Jákem ákesi Tileýjandy jıi aıtyp otyratyn. «Átteń, qol qysqa bolyp, Tilekemniń jalǵyzyn da alysqa qańǵyrtyp jiberdik-aý. Ákesi jaryqtyq ómiriniń uzaqqa barmasyn sezdi me, qyzynyń jaıyna alańdap, eger olaı-bulaı bolyp jatsam, osy balama bas-kóz bol», dep amanattap otyrýshy edi. Arýaq rızalyǵy úshin sol balany izdep tapsam dep edim, oǵan myna kókdoly zaman esh mursha bermedi. Qudaıdyń qudireti, sol bala meni óz aıaǵymen izdep kelgende, mundaı qýanbaǵan shyǵarmyn. Boıjetip, kúıeýge de shyǵypty. Eri myna Qastektegi Solty bolystyń balasy eken. Ákesi ony kóp jyl syrt elde oqytqanyn da estigenmin. Sol oqyǵany úshin ári baıdyń balasy bolǵan soń qýǵynǵa túsip, qyrǵyz eline kelgende bizdiń qyzdy jolyqtyrypty. О́shkenim janǵandaı qýanyp, ekeýin de baýyryma bastym. Átteń, bul qyzyǵym da uzaqqa barmady. Olar amalsyz boı tasalap, basqa bir jerge kóship ketti. Sóıtip, taǵy da qyzymnan kóz jazyp qaldym, – dep Jákeń bizge jıi-jıi aıtyp otyratyn. Ápkemniń ózin bala kezimde sol úıden kórgenmin. Ol kezde jas edim ǵoı, mán-jaıdy bilmegen ekenmin. Keıinnen Jákemniń aýzynan estidim, – dedi ol.
– Iá, apam syrtta ósip, naǵashylarym­men biz de aralasa almadyq. Tipti, sizden basqa eshqaısysyn da tanymaıdy eken­min, – dedim onyń bul sózinen keıin.
– Áı, sen qyzǵa ápkem aıtqan shyǵar. Seniń eń jaqyn naǵashyń kúni keshege de­ıin ózińmen bir qalada turdy ǵoı. Sol kisi­ge nege barmadyń? Joq álde... Onyń kim ekenin bilesiń be? – dep taqymdaǵan Álim­qul aǵanyń betine tańdana qarap qal­ǵanym esimde. 
– Ol kim? – degen sóz­diń de aýzymnan qalaı shyqqanyn ańǵarmaı qalyppyn.
– E, men seni biledi eken dep júrsem... Ol ózimizdiń Nurǵısa ǵoı. – Qapelimde Nurǵısa degen kim edi dep ózim tanı­tyn jurtty oısha sholyp ótkenimshe, «Oı, sen ony bilesiń. Nurǵısa Tilen­dıevti aıtamyn», – dedi ol. 
Osy sát apamnyń «Tilen­diden bir tuqym qalyp­ty. Sony izdeshi» degen sózi sart etip oıyma oraldy. 
– О́ı, myna qyz qaıtedi ózi. Men muny biledi eken dep júrsem. Aıdan túskendeı ańqıyp otyrǵanyn qarashy... Beri qara, seniń shesheńniń ákesi Tileýjan úsh aǵaıyndy. Tileýjan, Tilendi, Tumanshy. Olar ekeıdiń Botaǵarasynan taraıdy, – dep uzyn-sonar áńgimege kirisken Álimqul aǵanyń sózin de tyńdaıtyn halde emespin.Uıat-aı, apam sonda men oılaǵandaı qulaqqa kirmeıtin ótinish aıtpaǵan eken-aý. Eger sol kezde den qo­ıyp izdesem, Tilendiden qalǵan bir tuqym­nyń Nurǵısa aǵamyz ekenin men bil­me­sem de, qol sozym jerde turǵan Jam­byl ata aýylynyń adamdarynyń biri bolmasa, biri aıtar edi ǵoı deımin ózime ózim.
...Bir eske sala ketetin jaıt, Almatyǵa kelgennen keıin Nurǵısa aǵamen de kóp uzamaı-aq tanysqan ekenmin. Tipti, apam Tilendiden bir tuqym qalypty, sony izdeshi degen kezde de, keıin oılasam, men onymen tanysyp ta úlgergen ekenmin.
Ol kezde óner adamdary «Kıno úıinde» jıi-jıi bas qosatyn. Jurt ol jerge birde ekrannan kórsetýge ruqsaty joq fılmderdi tamashalaýǵa barsa, endi birde ataýly datalarda ártúrli oıyn-saýyq keshteri ótetin. Áli esimde, jańa jyldyq keshke arnalǵan saltanatqa men de barǵanmyn. Barýyn barsam da, bóten ortaǵa kirigip kete almaı, bir shette tur edim, qasyma salyp uryp Nurǵısa aǵa keldi. Ol kisini kim bilmeıdi. Men de sálemdesýdiń ısharasyn jasap, ornymnan turmaq edim, ol meni áı-shaıǵa qaratpaı, ortaǵa súıreleı jóneldi. Mýzyka oınap turǵan. Alaıda, eshkim bıleı qoımaǵan. Dúıim jurttyń aldyna shyǵyp bıleý, meniń de oıymda joq edi. Sondyqtan shyǵar, kibirtektep, aıaǵym júrer emes. Onyń ústine vals yrǵaǵymen úıirile jónelýge de joqpyn. Sodan amal joq, sólbireıip Nurǵısa aǵanyń yńǵaıyn baǵýǵa májbúrmin. Bı aıaqtalar tusta ol kisi shydamady. Odaǵaı daýyspen «О́ı, myna qyz menimen bılegenine uıalyp tur ǵoı», degen ol shalt qımylmen taǵy da qolymnan jetektep, shetteý bir tusqa kelip toqtady. 
– О́ı, túrińe bo­la­ıyn. Sen nesine qysylasyń? Men aǵań­myn. О́tken­de Seıdahmet («Lenın­shil jas» gazetiniń bas redaktory S.Ber­diqulovty aıta­dy) aıtqan. Sen myna Jambyl aýdany­nyń qyzy ekensiń ǵoı. Demek, sen m­eniń qaryndasym­syń. «Sekeń ózi bir jaı­rańdaǵan, mi­nezi ashyq bala» dep edi... Oı, túrińe bolaıyn... Bizdiń aýyldyń qyzdary shetinen «s harakterom» kelýshi edi...», dep qarqyldaı kúlip aldy. Osy ortada ózimdi qolaısyz sezinip turǵa­nymdy ol kisige qalaı aıtaıyn, «uıal­ǵan tek turmas degendeı, «Aǵa, men kish­kene syrqattanyp», dep edim, «E, báse, súmireıip turǵanyń sol eken ǵoı. Qane, men seniń sol aýrýyńdy jazyp jibe­reıin», dedi de topqa qarap aıǵaı saldy.
– Áı, Abdolla qaıdasyń? Beri kel. 
Sálden keıin kóp ortasynan syty­lyp, aryqsha kelgen murtty kisi qasymyzǵa keldi.
– Bul Abdolla Qarsaqbaev degen aǵań, – dep ony maǵan tanystyryp ótti de, – al myna qyz «Lenınshil jasta» jumys isteıdi. Aıtpaqshy, seniń atyń kim edi?
– Atym Jumagúl, – dedim men. Sol-aq eken, áńgimege álginde tanysqan Abdolla degen kisi aralasty. 
– E, Jumagúl Soltıeva degen sen ekensiń ǵoı. Kóbine óner taqyrybyna jazasyń. Gazetten oqyp júrmin, – dedi ol. О́zi bııazy sóıleıtin adam eken. Seni syrttaı bilemin degen soń ba, álde ózin ádepti ustaǵany úshin be, oǵan ishim jylyp qaldy.
– Áı, Abdolla, sen turma. Aqqaınar ákel. Myna qyz seniń de qaryndasyń. О́zi aýyryp tur eken. Basyn jazyp bereıik, – dedi Nurekeń álgi kisige qarap. Bul joly da daýysy óktemdeý shyqty.
«Tý, myna kisige qaıdan tap boldym eken» dep ishteı nalyp turǵan men basyn jazyp bereıik degen sózge kádimgideı sham­danyp-aq qaldym. Basyn jazyp ber­geni nesi?! Meni bir ishkish dep tur ma bul?!
– Joq, men aqqaınar ishpeımin. Jalpy, ishimdik ataýlyny tatyp kórgen emespin, – dedim ishtegi qaınaı bastaǵan ashýymdy barynsha tejep. Meniń bul sózime ol pysqyrǵan da joq.
– Ishpeseń, ishesiń, – dedi ol nyq daýyspen.
– Já, qaryndasym, qoryqpa. Bul myna aǵańnyń saǵan degen qurmeti ǵoı. О́zi eshkimge búıtip jalbaqtamaıtyn adam. Sen qaryndasy bolǵan soń, birge otyryp, jaqsylap tanysqysy kelgen shyǵar. Qysylma, qalqam. Bul aǵańnyń júregi altyn, – dedi lezde bir aqqaınar men shokolad taqtasyn qoltyǵyna qysa janymyzǵa kelgen Abdolla aǵa. Onyń sózinen keıin men de sabama tústim.
Shetteý turǵan ústeldiń birine jaı­ǵas­qan soń da tynyshtyq bolmady. Ekeýi­ne sálem bergen jurt áńgimeni órbi­ter emes. Sol sátti paıdalanyp ketip qal­sam dep men otyrmyn. Áne, qasy­myz­ǵa taǵy bireý taıandy. Shamasy, Nure­keń­men ara­las-quralasy bar adam ǵoı deımin, ózimsine sóıleı keldi.
– Oı, Nuraǵa, siz munda ekensiz ǵoı, – dep bizdiń qasymyzǵa otyra ketpek bolyp yńǵaılanǵan ol bir sát maǵan barlaı qarap aldy da: «Nuraǵa, ý vas vkýs horoshıı», – dep edi, aǵamyzdyń tala­ǵ­y tars ketti. Ornynan ushyp turdy da: «Áı, sen ne ottap tursyń? Bul – meniń qaryndasym. Káne, qurt kózińdi bul jerden!», dep aıǵaı salǵany azdaı, álgi kisi otyrmaq bolǵan oryndyqty julyp alyp, ony laqtyryp jiberdi. Oryndyqqa otyra ketpek bolǵan ol bolsa, qapelimde shalqasynan tústi.
– Já, qoı endi. Baıqaımyn, myna bala da asyǵys sııaqty. Jolyn bógemeıik. О́zi «Lenınshil jasta» isteıdi eken. Qaryndasyńdy áli talaı kóresiń, – dep Abdolla aǵa basý aıtyp edi, álginde ǵana jarylardaı bolyp shatynap turǵan Nurǵısa aǵam kenet jaıylyp sala berdi.
– Qap... Myna jer týra jyndyhana ǵoı. Onda júr. Myna qyzdy shyǵaryp salyp, ekeýmiz bir ońasha jerge baraıyq, – dep ornynan turdy.
Birer kún ótken soń áldeqandaı sharýa jaıymen Seıdahmet aǵa shaqyrǵan. Bólim jumysy jaıly ekeýara áńgi­meni talqy­lap jatqanda ol kisige bireý telefon shaldy.
– E, odan shyǵady, shyǵady. Onymen dastarqanda bir shaı ishim ýaqyt qana tynysh otyrýǵa bolady. Odan keıin ne isteıtinin ózge túgil, onyń ózi de bil­meıdi, – dep ar jaǵyndaǵy kisiniń sózin kúle tyńdaǵan ol telefon tutqasyn orny­­na qoıǵan soń da, álgi áńgimeniń áseri­­nen aıyǵa almady. Ara-arasynda «áı, Nur­ǵısa-aı, tentek-aý, tentek», dep kózi­­nen jas aqqansha kúlgen.
– Nurǵısa aǵaı bir qyzyq kisi eken ǵoı. – Sol sát aýzymnan osy sózdiń qalaı shyqqanyn ózim de ańǵarmaı qaldym. Alaıda, Seıdaǵań meniń bul sózime asa mán bermedi. Men sonysyna ishteı qýanyp qaldym. О́ıtkeni, basshymyz eshkimniń óz aldynda kósteńdep sóıleýine jol bermeıtin.
– Shirkin, Nurǵısa degen has talant qoı. Minezdi de qudaı soǵan saı úıip-tógip bere salǵan. О́zin keıde ıgere al­maı qalady. Tipti, sol tentektigi ózine ja­ra­sady da. Ony tipti basqasha eles­tetý de múmkin emes. Sol minezin el de kóteredi. Ornynda basqa bireý bolsa, ony baıaǵyda-aq sotqa súırep nemese jyndyhanaǵa japtyryp ta tastar ma edi, – dep áli de álgindegi áńgimeni umyta almaı otyr. Basshymyzdy ne aıtsa da dóp sóıleıtini, sózdiń parqyn biletini úshin jurttyń bári qurmet tutatyn. О́zimiz de bul qasıetine kúndelikti ómirde kýá bolyp, eriksiz tánti bolatyn edik. Sondyqtan da shyǵar, Seıdaǵańnyń súısine aıtqan álgi sózinen keıin ózime salǵan betten unaı qoı­ma­ǵan Nurǵısa aǵama men de ishteı keshirim jasap úlgerdim.
Budan keıin de Nurǵısa aǵamen júz­desýdiń san ret sáti tústi. Birde ol: «Oı, Altynbaıym!» – dep meıirlene mańdaıymnan súıip, jikjapar bolsa, endi birde «Áı, ıttiń kúshigi, sen nege habarsyz kettiń? Baıqa, qulaǵyńdy kesip alamyn», dep tasyr qylyǵymen tań qaldyratyn. Ol-ol ma, endi birde telefon soǵyp: «Sen qyz ne qarap júrsiń? Ana Kano baýyryń qý tizesin qushaqtap, óletin boldy ǵoı. Soǵan káne, qatyn taýyp ber», dep álek salatyn. Bul jerde álek saldy dep jaıdan-jaı aıtyp otyrǵanym joq. Telefonmen habarlasqany az bolǵandaı, kórgen saıyn «Áı, qyz, saǵan Kanoǵa qatyn tap degenim qaıda?» dep jaǵamnan alardaı jarmasa ket­ken kezderi de az emes. Kano dep otyrǵany kınorejısser Qanybek Qasymbekov. Ol kópke deıin boıdaq bolyp júrdi ǵoı. Nurǵısa aǵamyzdyń qabyrǵasyna sol qatty batqan sııaqty.
Birde tipti kóshe boıynda kezdeı­soq jolyǵyp qalǵan gazet avtorymen sóılesip kele jatqanymdy kórip: «Áı, sen nege japalaqsha jarbıyp meniń qaryndasymnyń qasynda júrsiń? Al­dy­men artyńa qara», dep álgi kisiniń jaǵa­syna jarmasyp uıatqa qaldyrǵany da, bar. Onyń bul minezine birte-birte kóz de, kóńil de úırene bastaǵan. Áıtse de, keıinnen ómiriniń sońyna qaraı ony basqa bir qyrynan kórgenimdi qalaı umytamyn. Birde kenje qyzym Áıgerimdi meniń qasymnan kórip, ony baýyryna basyp óbektep turǵan aǵam maǵan aıǵaı salǵanda shoshyp ket­kenim de esimde. Sóıtsem, ol Áıgerimniń saýsaqtarynyń salaly ekenine kózi túsipti.
– Áı, qyz, sen myna balany maǵan nege ákelmeı júrsiń? Qudaı-aý, bul týabitti dombyrashy ǵoı. Saýsaǵyn qarashy, – dep onyń qolyn ustaǵan kúıi maǵan buryldy da: «О́zi mýzykalyq mektepte oqı ma?», – dedi. 
Áıgerim menen buryn «joq» degendeı basyn shaıqady. Toqsanynshy jyldardyń ishi ǵoı. Kúndelikti kúnkóristiń ózi qıyn kezeń. Sol qıyndyqpen arpalysyp júrip, onyń saýsaǵyna kim mán bergen.
– Qap, myna saýsaq fortepıanoǵa da kelip tur. Álemdi dúr silkindirer bir mýzykantty sen qurttyń ǵoı, qurttyń, – dep bir qyjyrtyp ótken ol birer sátten keıin: «Áli de kesh emes. Maǵan ákel. Bul balamen endi ózim jumys isteımin», dedi. Alaıda, Nurǵısadaı týma talanttan dáris alýdy qyzymnyń mańdaıyna jazbaǵan eken. Kóp uzamaı ol dúnıeden ótti. Áıtse de onyń kóregendigine taǵy da bir qaıran boldym. Áıgerim Almatynyń shaǵyn aýdanyndaǵy №13 mekteptiń tórtinshi synybynda oqyp júrgen. Sol mektepte oqýshylardyń dombyra or­kestri bar eken. Qyzym sol orkestrge qaty­syp, dombyra tartýdy úırengisi kele­tinin aıtyp, qyńqyldap qoımady. Biz bolsaq, kúni boıy jumystamyz. Áı­­gerim úıde jalǵyz. Bala ǵoı, esikti ashyp, arly-berli júrgende bir pálege tap bolyp qala ma dep qorqasyń. Tipti bol­­ma­­ǵasyn, oǵan ruqsat berýge týra kelgen.
Arada aıǵa jýyq ýaqyt ótti. Áı­gerim­niń mektebinde ata-analardyń jal­py jınalysy ótetin bolyp, sol jıyn­­ǵa barǵanmyn. Sol kezde mekteptegi dom­byra­­shylar orkestri óner kórsetti. О́z kózi­me ózim sene alar emespin. Jıyr­ma shaq­ty oqýshydan quralǵan orkestrdiń aldyn­­daǵy jeke oryndyqta dombyrasyn qushaq­tap meniń qyzym otyr. Olar sol kúni ata-analar aldynda birneshe kúı tartyp berdi. Konsertten keıin dombyra or­kestri­niń jetekshisimen de jolyǵysyp qal­dyq. Ol Nurekeń qaıtys bolǵannan keıin «Otyrar» ansambline jetekshilik et­ken bas dırıjer Begendikovtiń inisi eken.
– Áıgerim dombyrany jańa úırene bastady ǵoı. Ony nege jeke solıst etip aldyńyz? – dedim oǵan.
– Áıgerimniń jańa úırenip júrgeni ras. Biraq qulshynysy sondaı, osy qysqa merzimde-aq on bes shaqty kúıdi táp-táýir meńgerip aldy. Eń bastysy, basqalardaı emes, mýzykany júrekpen túısinedi. Buǵan tezdetip dombyra áperińiz. Úıde qolyn jattyqtyrýy kerek, – dedi ol. Osy sát men qyzymnyń osynshama qys­qa merzimde birqatar kúıdi úırenip alǵa­nynan góri, Nurǵısa aǵanyń balań qyz­dyń boıyndaǵy qabiletti jazbaı tany­ǵanyna qaıran qaldym.
Al Nurǵısa aǵanyń meni kádimgideı ish tartyp, jaqyn adamdaı janasýy áldebir tylsym kúsh arqyly qan jaqyndyǵyn sezinýi me, joq álde ol kisiniń barsha jurt­qa degen adamı sezimi me, ol jaǵyn áli kúnge deıin bilmeımin. Bar bileti­nim, keıinnen, ıaǵnı Álimqul aǵanyń sózi­nen keıin baıqap qarasam, anam men Nur­ǵı­sa­n­yń túr-túsi de bir-birine qatty uq­saıdy eken. Ras, anam qazaqy tárbıe al­ǵan áıel adam ǵoı, dál Nurekeńdeı qaı­dan bolsyn. Áıtse de ekeýiniń minez-qul­­qynda uqsastyq ta az emes sııaqty. Anam da kúlbiltelemeı kimniń bolsa da betine týra aıtatyn, shekten shyǵyp bara jatsa, kimdi bolsa da bir-aq aýyz sózimen aýyzdyqtaı alatyn adam edi. Átteń, kózi tiri kezinde ekeýi júzdesip bir maýqyn basqanda ǵoı.
Endi bári de kesh. Biraq óz ortasynan jyraqta ósip, týǵan-týysyn ańsaǵan anamnyń bir tilegine júrdim-bardym qaraǵanym úshin ózim búginde qatty ókinemin. Iá, kóńilde bir ókinish qaldy.

Jumagúl SOLTY,
Qazaqstannyń eńbek sińirgen qaıratkeri