Probasııa jumystary nátıjeli

Ult josparynyń 33-qadamyn oryn­daýda Memleket basshysy 2016 jylǵy 30 jeltoqsanda «Pro­basııa týraly» Zańǵa qol qoı­dy jáne ol 2017 jylǵy 17 qańtar­da kúshine endi. Zań sotqa deıin­gi, úkimdik, penıtensıarlyq jáne penıtensıarlyqtan keıin­gi probasııanyń túrlerin qaras­tyrady. Probasııanyń maqsaty – kúdiktiniń, aıyptalýshynyń minez-qulqyn túzeý, sottalǵan adamdy áleýmetke qosý, qyl­mystyq-atqarý júıe­siniń meke­mesinen bosatylǵan adamdy áleý­mettik beıimdeý jáne ońaltý arqyly qoǵamnyń qaýipsizdigin qamtamasyz etýge járdemdesý, dedi B.Tóremuratov. 
Spıkerdiń sózinshe, proba­sııany júzege asyrýǵa qatysýda azamattar, qoǵam­dyq birlestikter jáne ózge de zańdy tulǵa­lar ma­ńyz­dy rólge ıe. Olardyń pro­­ba­­sııany iske asyrýǵa qaty­sýy erikti túrde áleýmettik-quqyq­­tyq kómek kórsetýge járdem­desý joly arqyly bola­dy. Keshendi strategııany iske asyrý jónindegi is-sharalar jos­pary­nyń 2-tarmaǵy negizinde bas bostandyǵynan aıyrý oryndarynan bosap shyqqan adam­dardy jumysqa jáne turmystyq orna­las­tyrý boıynsha «Qaqpa aldynda kezdesý» áleý­mettik jobasy ázirlenip, qazirgi ýaqyt­ta elimizdiń barlyq aımaǵynda iske asy­rylyp jatyr. Áleýmettik joba osy ýaqyt­qa deıin zerdelengen tájirıbe men múd­­deli memlekettik organdardyń, ÚEU-lar­dyń usynysy  eskerile otyryp, ázirlen­di. Atalǵan jobanyń maqsaty – sottal­ǵan­dardy bas bostandyǵynan aıyrý oryn­dary­­nan bosatylǵannan keıingi alǵash­qy kún­­deri qoǵamda áleýmettik beıimdeý úshin jaǵ­daı­lar jasaý, dedi komıtet tóraǵasynyń orynbasary.
Munymen qosa, birinshi nemese ekinshi toptaǵy múgedekter, sondaı-aq 63 jas­tan asqan erler men 58-den asqan áıel­der óz­deriniń jazbasha ótinishimen jáne meke­meniń usynymymen áleýmettik qorǵaý orta­lyqtary arqyly múgedekter men qartt­ar úıine jiberiletini aıtyldy. Áleý­met­tik kómekke muqtaj ózge de adamdar ózderiniń jazbasha ótinishimen jáne mekemeniń usynymymen áleýmettik beıimdeý ortalyqtaryna joldanady», dedi B.Tóremuratov.