Investısııalyq kelisimshartqa deıin bıyl sáýirde «Kazakh Invest» UK» AQ men Mareven Food Holdings Limited arasynda ózara túsinistik týraly memorandýmǵa qol qoıylǵan bolatyn. Onyń maqsaty basym ınvestısııalyq jobalardy qoldaý jáne Qazaqstan tarapynan ony iske asyrý úshin qolaıly jaǵdaılar jasaý bolyp tabylady, dep habarlaıdy Investısııalar jáne damý mınıstrliginiń resmı saıty.
Qazaqstan Respýblıkasynyń Kásipkerlik kodeksine sáıkes ınvestısııalyq kelisimshart jasaǵan kezde ınvestordyń eseptelgen korporatıvtik tabys salyǵynyń somasyn 100%-ǵa azaıtý, jer salyǵy mólsherlemelerine 0 koeffısıentin qoldaný jáne múlik salyǵyn salyq bazasyna 0 paıyz mólsherlemesi boıynsha esepteý sııaqty jeńildikter alýǵa quqyǵy bar. Sondaı-aq, kedendik bajdar salýdan bosatylatyn tehnologııalyq jabdyqtyń qosalqy bólshekteri, shıkizat jáne (nemese) materıaldar ımporty kezinde kedendik bajdar salýdan bosatý ınvestısııalyq kelisimsharttyń qoldanylý merzimine, biraq ınvestısııalyq kelisimshart tirkelgen kezden bastap bes jyldan aspaıtyn merzimge beriledi.
Mareven Food Holdings Limited azyq-túlik ónimderin óndirý jáne jartylaı fabrıkattardy keńinen tutyný ınfraqurylymdyq jobalaryna, aýyl sharýashylyǵy ónimderin qaıta óńdeý, sondaı-aq tikeleı ınvestısııalar boıynsha qazirgi zamanǵy júıelerdi óńirlerde dıstrıbýsııa qurýǵa jáne damytýǵa mamandanǵan. Holdıng aksıonerlerinde 70-ten astam elde ınvestısııalyq jobalardy iske asyrý boıynsha tabysty tájirıbeleri bar.
2015 jyly «Mareven Fýd Tıan-Shan» kompanııasy Qazaqstanda ınvestısııalyq jobany iske qosty. Bul joba – Almaty oblysynyń aýmaǵynda tamaq ónimderi men jartylaı fabrıkattar óndiretin zaýyt qurylysyn qamtıdy. Jobalyq qýatyna shyqqanǵa deıingi Qazaqstandaǵy jalpy ınvestısııalyq kólemi birneshe ondaǵan mıllıon AQSh dollaryn quraıdy. Sonymen qatar, kompanııa jergilikti óndirýshiler shyǵarǵan joǵary sapaly azyq-túlik ónimderi men jartylaı fabrıkattardy qol jetimdi baǵamen usynyp, Qazaqstannyń ishki naryǵyn qamtamasyz etýge jáne Eýrazııalyq aımaqtaǵy kórshi elderge eksporttaýǵa múmkindik beredi. Shıkizattyń negizgi úlesi qazaqstandyq jetkizýshilerden satyp alynatyn bolady. Joba 600-ge jýyq jergilikti halyqty jańa jumys ornymen qamtýǵa múmkindik beredi. Investısııalyq kelisimshart jasaý prosessin zańdyq turǵyda EY Qazaqstan halyqaralyq konsaltıngtik kompanııasy júzege asyrady.
Qazaqstan Respýblıkasy Investısııalar jáne damý mınıstrliginiń Investısııa komıteti «Kazakh Invest» ulttyq kompanııasy arqyly «Mareven Fýd Tıan-Shan» JShS-ne jobany iske asyrý barysynda týyndaǵan máselelerdi sheshýge qoldaý kórsetedi. Qazirgi ýaqytta qyzmettiń basym túrleri tizimin keńeıtý boıynsha QR zańnamasyna ózgeristerdi engizý, sondaı-aq salyq kodeksinen kompanııanyń ınvestısııalyq qyzmetine kedergi jasaıtyn keıbir normalar jáne shekteýlerdi joıý boıynsha jumys júrgizilýde.
«Kazakh Invest» kompanııasy «Investorǵa kedergi jasamaı kómektesý» ustanymyna súıene otyryp, árbir ınvestısııalyq jobany júzege asyrý barysynda sheteldik ınvestorlarǵa tolyq qoldaý kórsetetin bolady. Investorlar árqashan kompanııanyń +7 (727) 620620 telefonyna nemese invest@invest.gov.kz elektrondy poshtasyna habarlasyp, Qazaqstannyń ınvestısııalyq jáne bıznes júrgizý aspektileri boıynsha kásibı keńes ala alady.
