Olar óz jobasyn aımaq basshysy Eraly Toǵjanovqa tanystyryp, joba týraly jáne Chehııanyń Brno qalasynda qurylǵan, qazirgi tańda Eýropa jáne TMD elderinde jumys júrgizetin «H+H TECHNIKA» kompanııasynyń is-tájirıbesi jaıynda baıandady.
Sport túrlerin damytýǵa jáne ózge de aýqymdy sharalardy ótkizýge qolaıly keshen Aqtaý qalasynyń 32 shaǵyn aýdanyna ornalasatyn bolady.
Aýmaǵy 7 myń sharshy metrdi alatyn nysan qurylysyna 4 mlrd. teńge jumsalmaq. Sondaı-aq, sportttyq keshen memlekettik-jekemenshik áriptestik negizinde salynyp, oǵan quıylatyn qarjynyń 70 paıyzyn kompanııa bólse, qalǵan 30 paıyzy bıýdjetten qaralady.
Kópfýnksııanaldy sport kesheniniń ereksheligi - muz aıdyny eritýdi qajet etpeı-aq basketbol, voleıbol nemese shaǵyn fýtbol alańyna aınala alady.
Rıng quryp, boks ótkizýge, sahna quryp, konsert ótkizýge múmkindik bermek. Joba avtorlarynyń aıtýynsha, álemdik standartqa saı keshende muz alańy ǵana emes, meıramhana, sport kıimderi dúkeni, fıtnes ortalyq, sport kıimderi dúkeni men meıramhana da ornalasady.
Qurylys bir jarym jylda aıaqtalyp, qurylys kezinde de, paıdalanýǵa berilgen soń da jańa jumys oryndaryn ashýǵa múmknidik beretin muz saraıynda mánerlep syrǵanaý, hokkeı syndy qysqy sport túrlerin damytý jolǵa qoıylmaq.
Gúlaıym ShYNTEMIRQYZY,
«Egemen Qazaqstan».
Sýretti túsirgen Serik MAIEMEROV.
AQTAÝ.
