Memleket basshysy osy baǵyttaǵy tıimdiligi joǵary, perspektıvaly tetikterdi atap kórsetken. Sonyń ishinde Ulttyq ınvestısııalyq jáne eksporttyq strategııalardy ázirleý men qabyldaý, «Kazakh Invest» jáne «Kazakh Export» ınvestısııalar men eksport jónindegi ulttyq kompanııalardy qurý, sondaı-aq, syrtqy saýda máseleleri boıynsha Úkimet qurylymynda ókilettikterdi qaıta bólý, dep habarlaıdy Úkimet basshysynyń resmı saıty.
Qaırat Ábdirahmanovtyń aıtýynsha, Qazaqstanda ınvestorlarmen barlyq deńgeıde ózara is-qımyl ornatatyn tıimdi ınstıtýttar qurylǵan.
«Memleket basshysynyń tóraǵalyǵymen júıeli túrde Shetel ınvestorlary Keńesiniń otyrysy ótkizilip turady, kezekti otyrys Astanada EKSPO-2017 ótkizý barysynda ótedi. QR Premer-Mınıstri basshylyq etetin Investısııalyq ahýaldy jaqsartý keńesi men «Investısııalyq shtab» dep atalatyn ınvestorlardy tartý máseleleri jónindegi Úkimettik keńes jumys isteıdi. Sonymen qatar Investısııalyq ombýdsmen ınstıtýty qyzmet kórsetedi», - dedi Q. Ábdirahmanov.
Mınıstr memlekettik organdardyń birlesip atqarǵan jumystarynyń nátıjesinde Qazaqstanǵa 2005-2016 jyldar aralyǵynda 242 mlrd dollar tikeleı shetel ınvestısııalary tartylǵanyn, sonyń ishinde ótken jyly 20,6 mlrd dollar tartylǵanyn málimdedi.
2016 jyly shetelde saýda-ekonomıkalyq jáne ınvestısııalyq taqyrypta 300-den astam shara ótkizildi, sheteldik delegasııalardyń Qazaqstanǵa jáne ekonomıkalyq qazaqstandyq delegasııalardyń túrli sharalarǵa qatysýǵa, sondaı-aq áleýetti seriktestermen arnaıy kezdesýler men kelissózder ótkizý úshin shet elderge 600-den astam jumys sapary uıymdastyrylǵan.
