Jıynǵa Parlament Senaty Tóraǵasynyń orynbasary Bektas Beknazarov, Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń hatshysy, Prezıdent Ákimshiligi Ishki saıasat bóliminiń meńgerýshisi Aıda Balaeva jáne elimizdiń ǵylymı-shyǵarmashylyq ıntellıgensııasynyń ókilderi, Joǵarǵy Sot organy apparatynyń basshylyǵy men qyzmetkerleri, sondaı-aq Sot tóreligi akademııasynyń professor-oqytýshylar quramy men magıstranttary qatysty.
Dóńgelek ústel jumysyn ashqan Joǵarǵy Sot Tóraǵasy Qaırat Mámı Memleket basshysynyń baǵdarlamalyq maqalasynda aıtylǵan memleket pen qoǵamnyń aldyna qoıyp otyrǵan maqsattary men mindetteriniń mańyzy orasan ekenin, sonyń ishinde jastar bolashaǵyna baǵyt-baǵdar berýdiń máni zor ekenin atap ótti.
«Maqaladaǵy kemel oılardy barshańyzben bólisý úshin dóńgelek ústelge jınalyp otyrmyz. Baǵdarlamada qoǵamdyq sanany jańǵyrtýdyń birneshe baǵyty aıqyn aıtylǵan. Ulttyq jańǵyrý degen uǵymnyń ózi ulttyq sananyń kemeldenýin bildiredi. Tutas ult bolyp uıysyp otyrǵan qazaqstandyqtardyń berekesi men birliginiń negizi qazaq ultynyń bolmys-bitiminde jatyr. Sonyń ishinde halqymyzdyń san ǵasyrlyq salt-dástúriniń orny erekshe. О́zderińizge málim, elimizdiń sot júıesi Maıqy bı babamyz negizin qalaǵan bıler sotynan bastaý alady. Elbasy aıtqandaı, jahandaný dáýirinde biz jat ıdeologııalardyń yqpalyna ózimizdiń ulttyq qundylyqtarymyz arqyly ǵana tótep bere alamyz. Sondyqtan da bılerden qalǵan ádil tórelik etý dástúrin keńinen nasıhattaýymyz kerek. Osy oraıda, alash qaıratkeri Mirjaqyp Dýlatovtyń «Zań ádet-ǵurypqa qaıshy kelse, úlken aıaqqa tar etik kıgenmen birdeı» degen sózin búgingi bolashaq zańgerler bilgeni jón», dedi Joǵarǵy Sot Tóraǵasy Qaırat Mámı.
Qazaqstan Respýblıkasynyń Sot bıliginde 35 jyldan beri jumys istep kele jatqan Qazaqstan Respýblıkasy Joǵarǵy Sotynyń sýdıasy Baǵlan Demesinuly Memleket basshysynyń «Bolashaqqa baǵdar: rýhanı jańǵyrý» atty baǵdarlamalyq maqalasyna oraı óz usynysyn aıtty:
«Búginde elimiz ekonomıkalyq damýdyń shyrqaý bıigine kóterildi. Qazaqstan óziniń halyqaralyq damý baǵytynda úlken dárejelerge ıe boldy. Maqalada atap kórsetilgendeı, bizdiń bolashaǵymyz – qoǵam jetistikterin ári qaraı jalǵastyratyn, reformalyq úderisterdi ıgeretin jastarymyz. Respýblıkanyń saıası bıligindegi sot júıesiniń orny erekshe. Qoǵam tepe-teńdigin saqtaý men elimizdiń áleýmettik, ekonomıkalyq damý barysynda sot júıesiniń róli basym», degen Baǵlan Demesinuly qazaq ómirindegi bitimgershilik turǵysynan mańyzdy ról atqarǵan dástúrli bıler soty ınstıtýtyn keńinen nasıhattaýdy usyndy.
«Bizdiń qazaq ultynda álemde teńdesi joq bıler soty, quqyqtyq ınstıtýt bar ekenin bári biledi. Bıler ınstıtýtynyń tájirıbesin búgingi jańa zamanǵa saı qoldanýdyń mańyzy zor. «Qazaqstandaǵy 100 jańa esim» jobasynan quqyqtaný salasyna erekshe oryn tııýi tıis. О́ıtkeni, sot júıesiniń damýyna eńbegi sińgen sýdıalar men sot qyzmetkerleri jetkilikti ǵoı dep oılaımyn», dedi Joǵarǵy Sot sýdıasy.
Jıyn barysynda Prezıdent N.Nazarbaevtyń maqalasyndaǵy negizgi aspektilerdi ortaǵa salyp, talqylaýda Túrki álemi aqsaqaldar keńesiniń múshesi, fılologııa ǵylymdarynyń doktory, professor Ádil Ahmetov, ál-Farabı atyndaǵy QazUÝ professory, zań ǵylymdarynyń doktory Zaılaǵı Kenjalıev, fılologııa ǵylymdarynyń doktory Serik Negımov, L.N. Gýmılev atyndaǵy EUÝ prorektory, alashtanýshy ǵalym, fılologııa ǵylymdarynyń doktory Dıhan Qamzabek, «Nazarbaev Ýnıversıtet» mádenı baǵdarlamalar ortalyǵynyń basshysy Gúltas Qurmanbaı qatysty.
«Máńgilik Eldiń órkenıettik murattary» taqyrybynda kólemdi baıandama jasaǵan professor Ádil Ahmetov pragmatızm, básekelik qabilet, ulttyq biregeılikti saqtaý, evolıýsııalyq damý, sananyń ashyqtyǵy sııaqty irgeli baǵyttar boıynsha elimizde keshendi is-sharalardy júzege asyrý kerektigin atap ótti.
«Elbasy N.Á.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty 2012 jyly halyqqa Joldaýy – XXI ǵasyrdyń birinshi jartysynyń sońyna deıingi kezeńdi qamtıtyn alyp jobalardyń biregeıi. Endi, mine, sol strategııalyq, saıası-ekonomıkalyq jáne áleýmettik máni zor uzaq merzimdi jospardyń aıasynda qyrýar sharýa tolassyz iske asyrylyp jatyr. Olardyń ishinde údemeli ındýstrııalandyrýdyń ekinshi besjyldyǵy jobasy men halyqaralyq EKSPO-2017 kórmesin aıtýǵa bolady. Damýdyń turaqty jolyn qamtyǵan bizdiń memleketimiz geosaıası, geoekonomıkalyq, geotehnologııalyq mega ózgerister aǵynynan tys qalyp otyrǵan joq. Qazaqstannyń evolıýsııalyq jolmen damýdy tańdaýynyń da óz syry bar, óıtkeni revolıýsııalyq joldy tańdaǵan alys-jaqyn elderdiń muratqa jetkeni joq. Prezıdent kóterip otyrǵan latyn álipbıine kóshý máselesi – elimizdi rýhanı egemendikke aparatyn týra jol. О́ıtkeni, bul álem órkenıetiniń basym kópshiliginiń álipbıi», dep túıindedi ol sózin.
Is-shara sońynda qatysýshylardyń tujyrymdy oılary men usynystarynyń negizinde qarar qabyldanyp, sot júıesindegi memlekettik tildiń qoldanys aıasyn keńeıtý jumystaryn júrgizý, Sot tóreligi akademııasynyń oqý baǵdarlamasyna «Qazaq bıleriniń sheshendik óneri» atty arnaıy kýrs engizý, sot aýdarmashylarynyń biliktiligin arttyrý maqsatynda «Úzdik sot aýdarmashysy» respýblıkalyq konkýrsyn ótkizý, Elbasynyń latyn álipbıine kóshý týraly tapsyrmasy boıynsha daıyndyq jumystaryn pysyqtaý jumystaryna qatysty birqatar usynys daıyndaldy. Qararda toptastyrylǵan usynystar Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııaǵa is-sharalardyń júzege asýyn úılestirý usynylatyn bolady.
Aıa О́MIRTAI,
«Egemen Qazaqstan»
