2011 jylǵy 23 mamyr, Astana qalasy
Ishki ister organdary arnaıy qabyldaý oryndarynyń qyzmetin uıymdastyrý erejesin bekitý týraly
«Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasynyń 1999 jylǵy 30 naýryzdaǵy Zańynyń 9-1-babyna sáıkes buıyramyn:
1. Qosa berilip otyrǵan Ishki ister organdary arnaıy qabyldaý oryndarynyń qyzmetin uıymdastrý erejesi bekitilsin.
2. «Ákimshilik jolmen qamaýǵa alynǵan adamdardy ustaıtyn ishki ister organdarynyń arnaıy qabyldaý oryndary týraly erejesin bekitý týraly» Qazaqstan Respýblıkasy Ishki ister mınıstriniń 2002 jylǵy 23 shildedegi № 499 buıryǵynyń (Normatıvtik quqyqtyq aktilerdi memlekettik tirkeý tiziliminde № 1963 bolyp tirkelgen) kúshi joıyldy dep tanylsyn.
3. Qazaqstan Respýblıkasy Ishki ister mınıstrliginiń Ákimshilik polısııa komıteti (Q.S. Tynybekov) osy buıryqty Qazaqstan Respýblıkasynyń Ádilet mınıstrliginde tirkeýdi jáne ony resmı jarııalaýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa general-maıory A.V. Kýlınıchke jáne Qazaqstan Respýblıkasy Ishki ister mınıstrliginiń Ákimshilik polısııa komıtetine (Q.S. Tynybekov) júktelsin.
5. Osy buıryq alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi.
Mınıstr mılısııa general-maıory Q.QASYMOV.
Qazaqstan Respýblıkasy Ishki ister mınıstriniń 2011 jylǵy 23 mamyrdaǵy № 232 buıryǵymen bekitilgen
Ishki ister organdary arnaıy qabyldaý oryndarynyń qyzmetin uıymdastyrý erejesi
1. Jalpy erejeler 1. Osy ishki ister organdary arnaıy qabyldaý oryndarynyń qyzmetin uıymdastyrý erejesi (budan ári – Ereje) «Qoǵamnan ýaqytsha oqshaýlaýdy qamtamasyz etetin arnaýly mekemelerde adamdardy ustaý tártibi men sharttary týraly» Qazaqstan Respýblıkasy Zańynyń (budan ári – Zań) 9-1-babyna sáıkes ázirlendi jáne ustaý rejımin qamtamasyz etý maqsatynda ishki ister organdarynyń arnaıy qabyldaý oryndary qyzmetiniń tártibin jáne ony uıymdastyrýdy retteıdi. 2. Arnaıy qabyldaý orny – ákimshilik qamaýǵa alynǵan adamdardy qabyldaýǵa jáne ustaýǵa arnalǵan ishki ister organdarynyń arnaıy mekemesi. 3. Ákimshilik qamaýǵa alynǵan adamdardy arnaıy qabyldaý oryndaryna ornalastyrý olardy qamaýǵa alý týraly sýdıa qaýlysynyń negizinde júzege asyrylady. 4. Arnaıy qabyldaý oryndarynda táýliktik kezekshilikti qamtamasyz etetin jáne ustalatyn adamdardyń óz erkimen mekemeden tys jerge ketýin boldyrmaıtyn rejım ornatylady. Arnaıy qabyldaý oryndarynda rejımdi qamtamasyz etý arnaıy qabyldaý ornynyń ákimshiligi men qyzmetkerlerine júkteledi. 5. Arnaıy qabyldaý oryndarynda ustalatyn adamdardy kúzetý boıynsha qyzmet ótkerý úshin narıadqa taǵaıyndalatyn qyzmetkerlerge qarý berilmeıdi. Arnaıy qabyldaý orynynan qashqan adamdy ustaý kezinde «Quqyq qorǵaý qyzmeti týraly» Qazaqstan Respýblıkasynyń Zańyna sáıkes qarý qoldanylmaıdy. Arnaıy qabyldaý ornyna ornalastyrylǵan adamdarǵa «Quqyq qorǵaý qyzmeti týraly» Qazaqstan Respýblıkasynyń Zańyna sáıkes kúsh pen arnaıy quraldar qoldanylýy múmkin. 6. Arnaıy qabyldaý ornynyń ákimshiligi ákimshilik qamaýǵa alynǵan adamdarmen profılaktıkalyq áńgimelesýler ótkizedi, onyń barysynda qoǵamǵa qarsy minez-qulyqty toqtatý qajettiligin túsindirip, Qazaqstan Respýblıkasynyń «Ákimshilik quqyq buzýshylyq týraly» kodeksimen tanystyrady. 7. Ákimshilik qamaýǵa alynǵan adamdardy arnaıy qabyldaý oryna qamaýǵa alý nemese olardy tıisti medısınalyq uıymdarǵa jiberý týraly arnaıy qabyldaý ornynyń ákimshiligi bir táýlik ishinde turǵylyqty jeri boıynsha olardyń jaqyn týystaryna habarlaıdy. 8. Arnaıy qabyldaý oryndarynda medısına qyzmetkerleri olarda ustalatyn adamdarǵa medısınalyq kómek kórsetýdi, memlekettik sanıtarlyq-epıdemıologııalyq normalar men erejelerdiń oryndalýyn baqylaýdy uıymdastyrady jáne júzege asyrady. Emdeý-profılaktıkalyq jáne sanıtarlyq-epıdemııaǵa qarsy jumys máseleleri boıynsha arnaıy qabyldaý oryndarynyń qyzmetin ádistemelik qamtamasyz etýdi Qazaqstan Respýblıkasy Ishki ister mınıstrliginiń Tyl departamenti, Astana, Almaty qalalarynyń, oblystardaǵy ishki ister departamentteriniń medısına qyzmetteri jáne densaýlyq saqtaý salasyndaǵy ýákiletti organ júzege asyrady. Ákimshilik qamaýǵa alynǵan adamnyń medısınalyq uıymdarǵa ornalastyrylǵany týraly arnaıy qabyldaý ornynyń ákimshiligi prokýror men sýdıaǵa habarlaıdy. Eger sýdıanyń ózge sheshimi shyǵarylmasa, saýyqannan keıin bul adamdar ákimshilik qamaýdy odan ári óteý úshin arnaıy qabyldaý ornyna qamaýǵa alynady. Adamnyń qamaýǵa alynýyn baqylaý arnaıy qabyldaý ornynyń bastyǵyna júkteledi. 9. Arnaıy qabyldaý oryndaryn paıdalaný ákimshilik qamaýǵa alynǵan adamdardy qaýipsiz ustaý úshin jaramdy, sanıtarlyq-gıgıenalyq normalar men órt qaýipsizdigi talaptaryna jaýap beretin úı-jaılar bolǵan jaǵdaıda ǵana ruqsat etiledi. 10. Arnaıy qabyldaý oryndarynyń qyzmeti toqsanǵa qurastyrylatyn jáne Ishki ister departamenti bastyǵynyń jetekshilik etetin orynbasary bekitetin jospar boıynsha qurylady. Arnaıy qabyldaý oryndarynyń qyzmetin uıymdastyrý arnaıy qabyldaý ornynyń bastyǵyna júkteledi. 11. Arnaıy qabyldaý ornynyń bastyǵy: 1) bóliniske júktelgen mindetterdi oryndaýdy qamtamasyz etedi jáne onyń qyzmetin jetildirý boıynsha sharalar qabyldaıdy; 2) qaramaǵyndaǵy qyzmetkerler men jumysshylardy irikteý, ornalastyrý jónindegi jumysty uıymdastyrady; 3) qyzmetkerlerdiń qyzmettik jumysyn baqylaýdy júzege asyrady jáne arnaıy qabyldaý ornynyń qyzmetinde zańdylyqty qamtamasyz etý boıynsha sharalar qabyldaıdy; 4) óziniń qyzmetkerleri men arnaıy qabyldaý orny jumyskerleriniń laýazymdyq mindetterin ázirleıdi jáne olardy ishki ister organy bastyǵynda bekitedi; 5) arnaıy qabyldaý ornynyń qyzmetkerlerimen tárbıe jumysyn, qyzmettik, jaýyngerlik jáne dene shynyqtyrý daıyndyǵyn uıymdastyrady jáne ótkizedi; 6) ákimshilik qamaýǵa alynǵan adamdardy belgilengen normalarǵa sáıkes úsh rettik tamaqpen jyl saıyn qamtamasyz etedi; 7) ákimshilik qamaýǵa alynǵan adamdar jaza merzimin ótkergen soń olardy jumys, oqý orny boıynsha, áleýmettik qamtamasyz etý organyna jiberýdi qamtamasyz etedi; 8) qarjylandyrý josparlaryn, arnaıy qabyldaý ornyn ustaýǵa arnalǵan smetany ázirleıdi, ony qajetti qural-jabdyqpen, múkámmalmen jáne avtokólikpen qamtamasyz etý boıynsha sharalar qabyldaıdy, úı-jaılardy jóndeý jáne olarda tártipti ustaý boıynsha sharalar qabyldaıdy; 9) arnaıy qabyldaý ornynyń qyzmetkerleri men jumyskerleriniń áleýmettik-turmystyq jaǵdaılaryn jaqsartý boıynsha sharalar qabyldaıdy; 10) arnaıy qabyldaý ornynyń úı-jaılaryndaǵy sanıtarlyq jaǵdaıdy, ornalastyrylǵan adamdar men tósek-oryndy sanıtarlyq óńdeýden ýaqtyly ótkizýdi baqylaýdy qamtamasyz etedi; 11) ustalatyn adamdardyń hattary men ótinishterin, arnaıy qabyldaý ornynyń qyzmetkerleri men jumyskerleriniń is-áreketine shaǵymdardy qabyldaıdy jáne belgilengen merzimde qaraıdy, tıesiligi boıynsha joldaıdy; 12) ishki ister departamentiniń bastyǵyna arnaıy qabyldaý ornynyń qyzmetkerleri men jumyskerlerin laýazymǵa taǵaıyndaý, jyljytý jáne laýazymnan bosatý, sondaı-aq olardy kótermeleý jáne tártiptik jazaǵa tartý týraly usynystar engizedi, arnaıy qabyldaý ornynyń qyzmetkerlerine arnaýly ataqtar berý týraly usynymhattar joldaıdy; 13) materıaldyq baǵaly zattardyń saqtalýyna jáne arnaıy qabyldaý ornyndaǵy is júrgizýge jaýap beredi; 14) arnaıy qabyldaý ornynyń qyzmetinde qupııalylyq rejımniń saqtalýyn qamtamasyz etedi; 15) arnaıy qabyldaý ornynyń qyzmetkerleri men jumyskerlerine demalystar beredi. 12. Arnaıy qabyldaý orny bastyǵynyń orynbasary ákimshilik qamaýǵa alynǵan adamdardy ustaý rejımin baqylaýdy júzege asyrady, olardyń arasynda izdestirýde júrgen adamdardy anyqtaý jáne olar jasaǵan qylmystardy ashý jónindegi is-sharalardy uıymdastyrady. Arnaıy qabyldaý oryndarynda ustalatyn adamdardyń arasynda jedel-izdestirý jumysyn júrgizý «Jedel-izdestirý qyzmeti týraly» Qazaqstan Respýblıkasynyń Zańyna sáıkes júzege asyrylady. Bastyq bolmaǵan kezde onyń fýnksııalaryn atqarady. 13. Arnaıy qabyldaý orny boıynsha kezekshi arnaıy qabyldaý ornynyń bastyǵyna jáne onyń orynbasaryna baǵynady, olar bolmaǵan kezde arnaıy qabyldaý ornynyń jumysyna basshylyq etedi. Kezekshi: 1) ákimshilik qamaýdy ótkerý úshin arnaıy qabyldaý ornyna jetkizilgen adamdardy tirkeıdi jáne esepke alady; 2) olardy jeke tekserýdi, sýretke túsirýdi jáne daktıloskopııalaýdy júrgizedi; 3) kameralar boıynsha bóledi, olardyń ishinen kamera boıynsha kezekshilerdi taǵaıyndaıdy; 4) arnaıy qabyldaý ornynda ustalatyn adamdarǵa tıesili zattardyń, qujattardyń, aqsha men baǵaly zattardyń saqtalýyn qamtamasyz etedi jáne bosaǵan kezde olardy qaıtarady; 5) arnaıy qabyldaý ornynyń bastyǵyna nemese onyń orynbasaryna jetkizilgen jáne ornalastyrylǵan barlyq adamdar týraly baıandaıdy; 6) arnaıy qabyldaý ornynda ustalatyn adamdardy medısınalyq tekserýdi, sanıtarlyq óńdeýdi ýaqtyly qamtamasyz etedi, olardy tamaqtandyrýdy jáne serýendeýge shyǵarýdy uıymdastyrady; 7) arnaıy qabyldaý ornynda ustalatyn adamdardyń barlyq shaǵymdary men ótinishteri týraly arnaıy qabyldaý ornynyń bastyǵyna ýaqtyly baıandaıdy. Shaǵymdar, usynystar men hattar jazý úshin ornalastyrylǵan adamdarǵa jazý quraldaryn beredi; 8) ornalastyrylǵan adamdardyń ishki tártip erejesin qatań saqtaýyn baqylaıdy, beket narıadynyń qyzmet ótkerýin udaıy baqylaýdy júzege asyrady, ornalastyrylǵan adamdardyń densaýlyǵy nasharlaǵan jaǵdaıda medısına qyzmetkerine habarlaıdy, al ol bolmaǵan jaǵdaıda, jedel járdem shaqyrady jáne shuǵyl medısınalyq kómek kórsetedi; 9) sıgnalızasııa, baılanys quraldary men beket kerek-jaraqtarynyń aqaýsyz bolýyn baqylaıdy; 10) ákimshilik qamaýǵa alynǵan adamdar bosatylǵan kezde belgilengen úlgidegi anyqtamalar beredi jáne olardyń quqyq buzýshylyqtarǵa jol bermeýine baǵyttalǵan qysqasha profılaktıkalyq áńgimelesý júrgizedi; 11) mynadaı qujattardy: arnaıy qabyldaý ornynda ustalatyn adamdardy esepke alý jýrnalyn; narıad qyzmetteriniń kitabyn; telefonogrammalar kitabyn; kezekshilikti qabyldaý jáne tapsyrý kitaptaryn; shaǵymdar men usynystar kitabyn; tekserýshilerdiń eskertýlerin jazý jýrnalyn; arnaıy qabyldaý ornynyń jumysshylary úıleriniń mekenjaılary men telefondarynyń tizimin; eldi mekende ornalasqan ishki ister organy telefondarynyń tizimin júrgizedi jáne saqtaıdy. 14. Arnaıy bólimniń ınspektory: 1) ákimshilik qamaýǵa alynǵan adamdardyń isterin júrgizedi, jazalaý merzimin ótkergen soń olardyń ýaqtyly bosatylýyn baqylaıdy; 2) tolyqtyrý lımıti úlken arnaıy qabyldaý oryndarynda eseptik jáne alfavıttik kartoteka júrgizedi. 15. Bólimshe komandıri bólimshe jeke quramynyń tikeleı bastyǵy bolyp tabylady jáne qaramaǵyndaǵylardyń tárbıesi men oqýy, tártibi, saptyq jınaqylyq pen jınaqy syrtqy kelbeti úshin jaýap beredi. Bólimshe komandıri: 1) bólimsheniń polısııa qyzmetkerlerin oqytady jáne tárbıeleıdi; 2) olardan qyzmettik paryzyn adal oryndaýdy, zańdylyqty qatań saqtaýdy talap etedi; 3) qyzmetke túsetin polısııa qyzmetkerlerine nusqama júrgizedi; 4) bólimshe polısııa qyzmetkerleriniń esebin júrgizedi jáne kún saıyn olardyń qyzmetiniń qorytyndysyn shyǵarady. 16. Baqylaý-ótkizý pýnkti (budan ári – BО́P) boıynsha kezekshi-polıseı arnaıy qabyldaý orny boıynsha kezekshige jáne bólimshe komandırine baǵynady. Kezekshi-polıseı: 1) arnaıy qabyldaý ornynda ótkizý rejımin júzege asyrady, ákimshilik qamaýǵa alynǵan adamdardyń aýmaqtan óz erkimen shyǵýyna jáne bóten adamdardyń kirýine jol bermeıdi; 2) bosatylǵan azamattardy belgilengen úlgidegi anyqtamalar boıynsha BО́P arqyly ótkizedi; 3) BО́P arqyly ótetin kólikti tekseredi, arnaıy qabyldaý ornyna tyıym salynǵan buıymdardy ótkizýge jol bermeıdi. 17. Ákimshilik qamaýǵa alynǵan adamdardy kúzetý jónindegi arnaıy qabyldaý ornynyń polıseıi arnaıy qabyldaý orny boıynsha kezekshige jáne bólimshe komandırine baǵynady. Polıseıi: 1) beketke túsken kezde arnaıy qabyldaý ornynyń úı-jaılarynda ustalatyn ákimshilik qamaýǵa alynǵan adamdardy qabyldaıdy; 2) arnaıy qabyldaý ornynda ustalatyn adamdardy tekseredi; 3) ustalatyn adamdardyń minez-qulqyn udaıy baqylaıdy, qaıtys bolý, ózine ózi qol jumsaý jáne denege zaqym keltirý oqıǵalaryn eskertý boıynsha sharalar qabyldaıdy; 4) arnaıy qabyldaý ornyna ornalastyrylǵan adamdardyń ishki tártip erejesin saqtaýyn qamtamasyz etedi; 5) kezekshimen birge ornalastyrylǵan adamdardy kún saıyn serýendeýge shyǵarady, olarǵa vedomost boıynsha tamaq beredi; 6) kún saıyn kameralardyń jaı-kúıin, olardyń jaramdylyǵyn tekseredi jáne baıqalǵan aqaýlar týraly qabyldaý-taratý ornynyń basshylyǵyna baıandaıdy, olardy joıý boıynsha sharalar qabyldaıdy; 7) sıgnalızasııa men baılanystyń aqaýsyz bolýyn tekseredi; 8) ákimshilik qamaýǵa alynǵan adam syrqattanǵan jaǵdaıda, bul týraly medısına qyzmetkerine jáne arnaıy qabyldaý orny boıynsha kezekshige habarlaıdy. 2. Arnaıy qabyldaý oryndaryn qurý 18. Ishki ister organdarynyń arnaıy qabyldaý oryndary jergilikti atqarýshy organdardyń sheshimimen qurylady, qaıta uıymdastyrylady jáne taratylady. 19. Arnaıy qabyldaý oryndaryn qarjylandyrý bıýdjet qarajaty esebinen júzege asyrylady. 3. Arnaıy qabyldaý oryndarynyń úı-jaılary 20. Arnaıy qabyldaý oryndarynda: 1) erler, áıelder jáne balalary bar áıelder, sheteldikter jáne azamattyǵy joq adamdar úshin, sanıtarlyq tazalaýdan ótpegen jańadan túskender, naýqastar úshin jeke kameralar; 2) arnaıy qabyldaý ornynyń ákimshiligi men qyzmetkerleri úshin kabınetter; 3) elektr plıtasy, sý qaınatqyshy, shkafy, ydys jýýǵa arnalǵan úsh bólikten turatyn vannasy (syıymdylyq) bar tamaq jylytýǵa arnalǵan bólme; 4) tósek-oryn saqtaýǵa arnalǵan bólme; 5) jeke zattardy saqtaýǵa arnalǵan bólme; 6) sanıtarlyq ótkizgish, jýynatyn bólmeler, dezınfeksııalaý kamerasy; 7) kir jýatyn bólme, sanıtarlyq toraptar kózdelýi tıis. 21. Arnaıy qabyldaý oryndarynyń ishki qorshalǵan serýendeý alańdary, bolýy kerek, olar sákilermen, ýrnalarmen jáne dárethanalarmen jabdyqtalady. 22. Tolyqtyrý lımıti 50 jáne odan da kóp oryndary bar arnaıy qabyldaý oryndarynda ótkizý rejımin qamtamasyz etý úshin baqylaý-ótkizý beketteri jabdyqtalady. Buıryq Qazaqstan Respýblıkasynyń Ádilet mınıstrliginde 2011 jylǵy 22 maýsymda Normatıvtik quqyqtyq kesimderdi memlekettik tirkeýdiń tizilimine №7030 bolyp engizildi.
