2011 jylǵy 23 mamyr, Astana qalasy
Ishki ister organdary qabyldaý-taratý oryndarynyń qyzmetin uıymdastyrý erejesin bekitý týraly
«Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasynyń 1999 jylǵy 30 naýryzdaǵy Zańynyń 9-1-babyna sáıkes buıyramyn:
1. Qosa berilip otyrǵan Ishki ister organdary qabyldaý-taratý oryndarynyń qyzmetin uıymdastyrý erejesi bekitilsin.
2. «Belgili bir turǵylyqty jeri joq adamdarǵa áleýmettik, medısınalyq jáne ózge de kómek kórsetý jónindegi sharalar týraly» Qazaqstan Respýblıkasy Úkimetiniń 1996 jylǵy 30 mamyrdaǵy № 665 qaýlysyn oryndaý jónindegi sharalar týraly» Qazaqstan Respýblıkasy Ishki ister mınıstriniń 1996 jylǵy 12 tamyzdaǵy № 262 buıryǵynyń (Normatıvtik quqyqtyq aktilerdi memlekettik tirkeý tiziliminde № 285 bolyp tirkelgen) kúshi joıyldy dep tanylsyn.
3. Qazaqstan Respýblıkasy Ishki ister mınıstrliginiń Ákimshilik polısııa komıteti (Q.S. Tynybekov) osy buıryqty Qazaqstan Respýblıkasynyń Ádilet mınıstrliginde tirkeýdi jáne ony resmı jarııalaýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa general-maıory A.V. Kýlınıchke jáne Qazaqstan Respýblıkasy Ishki ister mınıstrliginiń Ákimshilik polısııa komıtetine (Q.S.Tynybekov) júktelsin.
5. Osy buıryq alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi.
Mınıstr mılısııa general-maıory Q.QASYMOV.
Qazaqstan Respýblıkasy Ishki ister mınıstriniń 2011 jylǵy 23 mamyrdaǵy № 233 buıryǵymen bekitilgen
Ishki ister organdary qabyldaý-taratý oryndarynyń qyzmetin uıymdastyrý erejesi
1. Jalpy erejeler
1. Osy Ishki ister organdary qabyldaý-taratý oryndarynyń qyzmetin uıymdastyrý erejesi (budan ári – Ereje) «Qoǵamnan ýaqytsha oqshaýlaýdy qamtamasyz etetin arnaýly mekemelerde adamdardy ustaý tártibi men sharttary týraly» Qazaqstan Respýblıkasy Zańynyń (budan ári – Zań) 9-1-babyna sáıkes ázirlendi jáne ustaý rejımin qamtamasyz etý maqsatynda ishki ister organdarynyń qabyldaý-taratý oryndary qyzmetiniń tártibin jáne ony uıymdastyrýdy retteıdi. 2. Qabyldaý-taratý oryndary belgili bir turǵylyqty jeri jáne jeke basyn kýálandyratyn qujattary joq adamdardyń is-áreketterinde ákimshilik quqyq buzýshylyqtar men qylmystar belgileri bolmaǵan jáne olardyń jeke basyn ózge de tásildermen anyqtaý múmkin bolmaǵan jaǵdaılarda olardy qabyldaýǵa jáne ustaýǵa arnalǵan. 3. Qabyldaý-taratý oryndarynyń negizgi mindeti belgili bir turǵylyqty jeri jáne (nemese) jeke basyn kýálandyratyn qujattary joq adamdardy anyqtaý, jeke basyn anyqtaý, olardy qylmys jasaǵan, anyqtaý, tergeý jáne sot organdarynan jasyrynǵan, izdestirýdegi, habar-osharsyz ketken adamdarmen sáıkestendirý jáne keıinnen tıisti organdar men mekemelerge berý úshin qabyldaý-taratý oryndaryna ornalastyrý bolyp tabylady. 4. Qabyldaý-taratý oryndarynda ustalatyn adamdardyń qaýipsizdigin qamtamasyz etetin jáne olardyń óz erkimen ketý múmkindigin boldyrmaıtyn rejım ornatylady. Qabyldaý-taratý oryndarynda rejımdi qamtamasyz etý qabyldaý-taratý ornynyń ákimshiligi men qyzmetkerlerine júkteledi. 5. Qabyldaý-taratý oryndarynda ustalatyn adamdardy kúzetý jáne rejım talaptaryn qamtamasyz etý úshin táýlik boıy kezekshilik pen polısııa beketteri ornatylady. Qabyldaý-taratý ornynda ustalatyn adamdardy kúzetý boıynsha qyzmet ótkerý úshin narıadqa taǵaıyndalatyn qyzmetkerlerge qarý berilmeıdi. Qabyldaý-taratý ornynan qashqan adamdy ustaý kezinde «Quqyq qorǵaý qyzmeti týraly» Qazaqstan Respýblıkasynyń Zańyna sáıkes qarý qoldanylmaıdy. Qabyldaý-taratý ornyna ornalastyrylǵan adamdarǵa «Quqyq qorǵaý qyzmeti týraly» Qazaqstan Respýblıkasynyń Zańyna sáıkes kúsh pen arnaıy quraldar qoldanylýy múmkin. 6. Belgili bir turǵylyqty jeri jáne jeke basyn kýálandyratyn qujattary joq adamdardy anyqtaýdy, olardy qabyldaý-taratý ornyna jetkizýdi ishki ister organdarynyń qyzmetkerleri júzege asyrady. 7. Qabyldaý-taratý oryndarynda medısına qyzmetkerleri olarda ustalatyn adamdarǵa medısınalyq kómek kórsetýdi, memlekettik sanıtarlyq-epıdemıologııalyq normalar men erejelerdiń oryndalýyn baqylaýdy uıymdastyrady jáne júzege asyrady. Emdeý-profılaktıkalyq jáne sanıtarlyq-epıdemııaǵa qarsy jumys máseleleri boıynsha qabyldaý-taratý oryndarynyń qyzmetin ádistemelik qamtamasyz etýdi Qazaqstan Respýblıkasy Ishki ister mınıstrliginiń Tyl departamenti, Astana, Almaty qalalarynyń, oblystardaǵy ishki ister departamentteriniń medısına qyzmetteri jáne densaýlyq saqtaý salasyndaǵy ýákiletti organ júzege asyrady. 8. Qabyldaý-taratý oryndaryn paıdalaný belgili bir turǵylyqty jeri jáne (nemese) jeke basyn kýálandyratyn qujattary joq adamdardy qaýipsiz ustaý úshin jaramdy, sanıtarlyq-gıgıenalyq normalar men órt qaýipsizdigi talaptaryna jaýap beretin úı-jaılar bolǵan jaǵdaıda ǵana ruqsat etiledi. 9. Qabyldaý-taratý ornynyń qyzmeti toqsanǵa qurastyrylatyn jáne Ishki ister departamenti bastyǵynyń jetekshilik etetin orynbasary bekitetin jospar boıynsha qurylady. Qabyldaý-taratý ornynyń qyzmetin uıymdastyrý qabyldaý-taratý ornynyń bastyǵyna júkteledi. 10. Qabyldaý-taratý ornynyń bastyǵy: 1) bóliniske júktelgen mindetterdi oryndaýdy qamtamasyz etedi jáne onyń qyzmetin jetildirý boıynsha sharalar qabyldaıdy; 2) qaramaǵyndaǵy qyzmetkerler men jumyskerlerdi irikteý, ornalastyrý jónindegi jumysty uıymdastyrady; 3) qyzmetkerlerdiń qyzmettik jumysyn baqylaýdy júzege asyrady jáne qabyldaý-taratý ornynyń qyzmetinde zańdylyqty qamtamasyz etý boıynsha sharalar qabyldaıdy; 4) óziniń qyzmetkerleri men qabyldaý-taratý orny jumyskerleriniń laýazymdyq mindetterin ázirleıdi jáne olardy ishki ister organy bastyǵynda bekitedi; 5) qabyldaý-taratý ornynyń qyzmetkerlerimen tárbıe jumysyn, qyzmettik, jaýyngerlik jáne dene shynyqtyrý daıyndyǵyn uıymdastyrady jáne ótkizedi; 6) yqpal etý sharalaryn qoldaný jáne qabyldaý-taratý ornyna ornalastyrylǵan adamdardy bosatý týraly qaýlylardy bekitedi; 7) ishki ister organdarynyń belgili bir turǵylyqty jeri jáne (nemese) jeke basyn kýálandyratyn qujattary joq adamdardy anyqtaý boıynsha is-sharalar ótkizýine qatysady; 8) ornalastyrylǵan adamdardy tekserý jáne olardyń arasynan izdestirýdegi adamdardy anyqtaý jáne olar jasaǵan qylmystardy ashý jónindegi jumysty uıymdastyrady; 9) qabyldaý-taratý orny jumysynyń jaı-kúıin taldaıdy jáne nátıjeleri týraly ishki ister organynyń bastyǵyna habarlaıdy, belgili bir turǵylyqty jeri jáne (nemese) jeke basyn kýálandyratyn qujattary joq adamdardyń sanatymen kúrestegi jumysty jaqsartýǵa baǵyttalǵan usynystar engizedi; 10) qabyldaý-taratý ornynda ustalatyn adamdarmen quqyqqa qarsy áreketterdi toqtatýǵa yqpal etetin jeke áńgimelesýler ótkizedi; 11) qabyldaý-taratý ornyn ustaýǵa arnalǵan smetany ázirleıdi, ony qajetti qural-jabdyqpen, múkámmalmen jáne avtokólikpen qamtamasyz etý boıynsha sharalar qabyldaıdy; 12) qabyldaý-taratý ornynyń qyzmetkerleri men jumyskerleriniń áleýmettik-turmystyq jaǵdaılaryn jaqsartý boıynsha sharalar qabyldaıdy; 13) qabyldaý-taratý ornynyń úı-jaılarynda sanıtarlyq jaǵdaıdy, ornalastyrylǵan adamdar men tósek-oryndy sanıtarlyq óńdeýden ýaqtyly ótkizýdi baqylaýdy qamtamasyz etedi; 14) ustalatyn adamdardyń hattary men ótinishterin, qabyldaý-taratý orny qyzmetkerleri men jumyskerleriniń is-áreketine shaǵymdardy qabyldaıdy jáne qaraıdy, olardy tıesiligi boıynsha joldaıdy; 15) ishki ister departamentiniń basshylyǵyna qabyldaý-taratý ornynyń qyzmetkerleri men jumyskerlerin laýazymǵa taǵaıyndaý, jyljytý jáne laýazymnan bosatý, sondaı-aq olardy kótermeleý nemese tártiptik jazaǵa tartý týraly usynystar engizedi, qabyldaý-taratý ornynyń qyzmetkerlerine arnaýly ataqtar berý týraly usynymhattar joldaıdy; 16) materıaldyq baǵaly zattardyń saqtalýyna jáne qabyldaý-taratý ornyndaǵy is júrgizýge jaýap beredi; 17) qabyldaý-taratý ornynyń qyzmetinde qupııalylyq rejımniń saqtalýyn qamtamasyz etedi; 18) qabyldaý-taratý ornyna ornalastyrylǵan adamdardy belgilengen normalarǵa sáıkes kún saıyn úsh rettik tamaqpen qamtamasyz etedi; 19) qabyldaý-taratý ornynyń qyzmetkerleri men jumyskerlerine demalystar beredi. 11. Qabyldaý-taratý orny bastyǵynyń orynbasary ornalastyrylǵan adamdardy ustaý rejımine baqylaýdy júzege asyrady, olardyń jeke basyn tekserý jáne anyqtaý, olardyń arasynan izdestirýdegi adamdardy anyqtaý jáne olar jasaǵan qylmystardy ashý jónindegi is-sharalardy uıymdastyrady. Bastyq bolmaǵan kezde onyń fýnksııalaryn atqarady. 12. Qabyldaý-taratý orny boıynsha kezekshi qabyldaý-taratý ornynyń bastyǵy men onyń orynbasaryna baǵynady, olar bolmaǵan kezde qabyldaý-taratý ornynyń jumysyna basshylyq etedi. Kezekshi: 1) qabyldaý-taratý ornynyń bastyǵy men onyń orynbasaryna barlyq jetkizilgen jáne ornalastyrylǵan adamdar týraly baıandaıdy; 2) qabyldaý-taratý ornyna jetkizilgen adamdardy tirkeýdi jáne esepke alýdy júrgizedi, olardy jeke tekserý óndirisin, daktıloskopııalaý men sýretke túsirýdi uıymdastyrady, olardyń ishinen kamera boıynsha kezekshilerdi taǵaıyndaıdy; 3) qabyldaý-taratý ornyna ornalastyrylǵan adamdarǵa tıesili zattardyń, qujattar men baǵaly zattardyń saqtalýyn jáne bosaǵan kezde olardy qaıtarýdy qamtamasyz etedi; 4) qabyldaý-taratý ornynda ustalatyn adamdardy medısınalyq tekserýdi, sanıtarlyq óńdeýdi ýaqtyly qamtamasyz etedi, olardyń tamaqtanýyn jáne serýenge shyǵýyn uıymdastyrady; 5) qabyldaý-taratý ornynyń bastyǵyna qabyldaý-taratý ornynda ustalatyn adamdardyń barlyq shaǵymdary men ótinishteri týraly ýaqtyly baıandaıdy. Shaǵymdar, usynystar men hattar jazý úshin ornalastyrylǵandarǵa jazý quraldaryn beredi; 6) ornalastyrylǵan adamdardyń ishki tártip erejelerin qatań saqtaýyn baqylaıdy, beket narıadynyń qyzmet ótkerýin udaıy baqylaýdy júzege asyrady, ornalastyrylǵan adamdardyń densaýlyǵy nasharlaǵan jaǵdaıda medısına qyzmetkerine habarlaıdy, al ol bolmaǵan jaǵdaıda jedel járdem shaqyrady jáne shuǵyl medısınalyq kómek kórsetedi. 13. Qabyldaý-taratý ornynyń jedel qyzmetkeri: 1) izdestirýdegi, habar-osharsyz ketken, qylmys jasaǵan adamdardy anyqtaý, sondaı-aq qabyldaý-taratý ornyna ornalastyrylǵan adamdardyń jeke basyn anyqtaý boıynsha jedel-izdestirý jumysyn júrgizedi; 2) belgili bir turǵylyqty jeri jáne (nemese) jeke basyn kýálandyratyn qujattary joq adamdar shoǵyrlanǵan jerlerdi anyqtaıdy jáne olardy ustaý boıynsha reıdter ótkizý týraly usynystar engizedi; 3) qabyldaý-taratý ornyna ornalastyrylǵan adamdardyń qashýynyń, múshesin zaqymdaýynyń, sýısıdterdiń jolyn kesýge, tyıym salynǵan zattardy anyqtaýǵa jáne alýǵa baǵyttalǵan nıetterin anyqtaıdy. 14. Qabyldaý-taratý ornynyń polıseıi: 1) ornalastyrylǵan adamdardyń minez-qulqyn udaıy qadaǵalaıdy, ólim, ózin-ózi óltirý nemese dene jaraqatyn keltirý jaǵdaılarynyń aldyn alý boıynsha sharalar qabyldaıdy; 2) qabyldaý-taratý ornyna ornalastyrylǵan adamdardyń ishki tártip erejelerin saqtaýyn qamtamasyz etedi; 3) kezekshimen birge ornalastyrylǵan adamdardy kún saıyn serýendeýge shyǵarady, olarǵa vedomost boıynsha tamaq beredi; 4) kún saıyn kameralardyń jaı-kúıin, olardyń jaramdylyǵyn tekseredi jáne baıqalǵan aqaýlar týraly qabyldaý-taratý ornynyń basshylyǵyna baıandaıdy, olardy joıý boıynsha sharalar qabyldaıdy. 2. Qabyldaý-taratý oryndaryn qurý 15. Ishki ister organdarynyń qabyldaý-taratý oryndary jergilikti atqarýshy organdardyń sheshimimen qurylady, qaıta uıymdastyrylady jáne taratylady. 16. Qabyldaý-taratý oryndaryn qarjylandyrý bıýdjet qarajaty esebinen júzege asyrylady. 3. Qabyldaý-taratý oryndarynyń úı-jaılary 17. Qabyldaý-taratý oryndarynda: 1) erler, áıelder jáne balalary bar áıelder, sheteldikter jáne azamattyǵy joq adamdar úshin, sanıtarlyq tazalaýdan ótpegen jańadan túskender, naýqastar úshin jeke kameralar; 2) qabyldaý-taratý ornynyń ákimshiligi men qyzmetkerleri úshin kabınetter; 3) elektr plıtasy, sý qaınatqyshy, shkafy, ydys jýýǵa arnalǵan úsh bólikten turatyn vannasy (syıymdylyq) bar tamaq jylytýǵa arnalǵan bólme; 4) tósek-oryn saqtaýǵa arnalǵan bólme; 5) jeke zattardy saqtaýǵa arnalǵan bólme; 6) sanıtarlyq ótkizgish, jýynatyn bólmeler, dezınfeksııalaý kamerasy; 7) kir jýatyn bólme, sanıtarlyq toraptar kózdelýi tıis. 18. Qabyldaý-taratý oryndarynyń ishki qorshalǵan serýendeý alańdary, bolýy kerek, olar sákilermen, ýrnalarmen jáne dárethanalarmen jabdyqtalady. Buıryq Qazaqstan Respýblıkasynyń Ádilet mınıstrliginde 2011 jylǵy 22 maýsymda Normatıvtik quqyqtyq kesimderdi memlekettik tirkeýdiń tizilimine №7031 bolyp engizildi.
