Tamyzdyń jıyrma toǵyzy...

 Tamyzdyń jıyrma toǵyzy... Jahanǵa jalpaq jaıylǵan, Shyqpaısyń meniń oıymnan. Sen ediń tekti elimdi, Ata-jurtymnan aıyrǵan.   Tamyzdyń jıyrma toǵyzy... Janǵan Kún kókte óshken kún, Talaı taǵdyrdy sheshken kún. Abyralymnyń baýyrynan Abdyrap halqym kóshken kún.   Tamyzdyń jıyrma toǵyzy... Sumdyqty kórgen kim boldy. Tań emes sol tań tún boldy Dúnıeni jutqan ún boldy, Dúr silkindirgen kún boldy.   Tamyzdyń jıyrma toǵyzy... Kún emes Alyp shar shyqty, Aspan kózinen qan shyqty, Degeleń degen ór taýdyń Keýdesinen sol kún jan shyqty.   Tamyzdyń jıyrma toǵyzy... О́lkemdi túgel órt shaldy, Dalamdy túgel dert shaldy. Sańyraýqulaq bólip shyǵardy Tórt qubylamnan tórt shardy. Surapyl daýyl soqtyrdy, Jarylýǵa dalam shaq turdy. Jer menen Kókte tutasqan Buryn bolmaǵan ot turdy.   Tamyzdyń jıyrma toǵyzy... Qasiret qushty Qaınarym, Qý, Doǵalań, Taılanym, Aqbulaq, Samaı, Márámik, Aqqora, Tańat, Myrjyq pen Abyralydaı aımaǵym. Baıanaýla, Qyzyltaý, Qarqaraly, Shyńǵystaý Qyzyljal men Saryjal, Qarajal men Qaraóleń, Jatqan bir jaınap dalam eń. Jan daýysyńdy yshqynǵan Estidi sol kún bar álem. Maılyqara, Úshqara, Berikqara sustana. Taqyr bop qaldy tóbeler, Sypyrǵandaı alyp ustara. Ajdahanyń aýzynan Alyp qalǵan elimdi, Alyp qalǵan jerimdi, О́shpeıtin máńgi rýh penen Qazaqqa bitken qudiretti Qudaıym bergen kúsh qana.   Tamyzdyń jıyrma toǵyzy... О́rtendi sol kún, lastandy Qaz daýysty Qazybek, Sózden túıin túıgen jer. Seńkibaı qajy atamyz, Seńseńnen bórik kıgen jer. О́ndirbaı qalpe bastaǵan, Noha qajy qostaǵan, О́lkemnen shyqqan qyryq qajy Sájdege basyn ıgen jer. Uljan men Dildá analar О́mir baqı súıgen jer. Alshynbaı men Qunanbaı Alshańdaı basyp júrgen jer. Qarateke, Baqtybaı, Japalaq pen Sartymbaı Qyrandaıyn qomdanyp, Batyrlar jaýdy ilgen jer. Sahaıyp qoja áýlıe Saf altyn ǵumyr súrgen jer.   Tamyzdyń jıyrma toǵyzy... Kózimdi meniń baılady, Deneme dert bop boılady. Jer-Ananyń aq shashyn, Aq shashyn julyp oınady. Qustardyń toqtap saıraýy, Boıymda qanym qaınady. О́rtendi ataqonysym Qyrdaǵy men oıdaǵy, Ámireniń ásem áni men Janaq aqynnyń oılary, Abaıdyń asyl qystaýy, Táttimbettiń jasyl jaılaýy. Taptady jerdi kıeli Qaıdaǵy men jaıdaǵy.   Tamyzdyń jıyrma toǵyzy... Sezimderimdi sharpystyr, Oılanar bizge tal tús bul. Qasiretti tuńǵysh jarylys, Oǵan da ótti alpys jyl.   Tamyzdyń jıyrma toǵyzy... Shermende bolǵan ótti kún, Jelbirep endi Kók týym. Elbasym berip pármendi, Polıgon jabar jetti kún. Keýdemdi teýip tekti jyr, Oǵan da jıyrma ótti jyl.   Tamyzdyń jıyrma toǵyzy... Jandyryp jandy órt etti, Aıyqpas tánge dert ekti. Balalar qansha erte ótti, Iniler qansha erte ótti, Apalar menen aǵalar, Ákeler menen analar, Qaryndastar qansha erte ótti Tastuǵyr mynaý ótkenniń Túsirsin eske kúllisin. Ornasyn mynaý eskertkish Saqtasyn eldiń tirisin. Japyraq úshin jaıqalar О́rteńge óser gúl úshin! Qazaqstanym kórkeısin, Jarylys máńgi qurysyn! Tası da bersin berekeń, Arta da bersin yrysyń, Araıly meniń Abyralym, Shyraıly meniń Shyǵysym!   Tamyzdyń jıyrma toǵyzy... Ramazan aıy Uly elim, Alladan tilek tiledim, Syıǵyzyp oıdy óleńge. Jahandy jutqan jarylys Bolmasyn endi álemde! Tamyzdyń jıyrma toǵyzy. Baýyrjan JAQYP, Memlekettik «Daryn» syılyǵynyń laýreaty.