Dárigerlerge demeý

Adam janynyń arashashysy – aq halatty abzal jandarǵa degen kóz­qaras bólek. Soǵan sáıkes, qam­qorlyqtyń da ózgeshe bolýy zań­dy. О́ıtkeni, olar adamdy ajal­­dan arashalaıdy. Deniniń saý­­lyǵyn qam­tamasyz etedi. Dertten aıyq­ty­rady. О́mirmen qaıta qaýysh­ty­rady. Syr boıynyń ekologııalyq aımaqqa jatatyny barshaǵa aıan. Ekologııalyq aımaq bolǵan soń aý­rý-syraqaýdyń da az bolmaıty­ny belgili. Osy rette qyzylor­da­lyq dárigerlerdiń moınyna arty­lar júktiń de salmaǵy aýyrlaı bermek. Basy aýyryp, baltyry syz­daǵan qanshama jan kún saıyn ob­lystyń medısınalyq ortalyq­tyń esigin qaǵady. Olar qabaq shytpaı kómek beredi. Burnaǵy kúni oblys basshysy Bolatbek Qý­andyqov oblystyq aýrýhanaǵa arnaıy baryp, onyń tynys-tir­shiligimen tanysyp, qyzmetker­le­rimen jolyqty. Osy kezdesýdegi eń basty jańalyq – dárigerlerge arnalyp salynatyn 50 páterlik turǵyn-úı edi. Aımaq basshylyǵy dárigerlerdiń qamsyz jumys isteýi úshin olarǵa arnaıy qyzmettik páter salyp berip jatyr. Ákim turǵyn úıdiń alǵashqy kirpishin qalaý rásimine qatysty. Dárigerlerge arnalyp saly­nyp jatqan bul turǵyn úıdiń qu­ry­ly­sy men jobalaý jumys­ta­ry­na bıýd­jetten 365,0 mıllıon teńge jumsalady. Onyń qury­lysyn «Jez kıik» kompanııasy júrgizip jatyr. Shalǵaıda jatqan aýyldaǵy naýqasty oblys ortalyǵyna jetkizý ońaı sharýa emes. Jedel jár­demmen dittegen jerge jetkenshe, janyń úzilip ketýi de múmkin. Sondyqtan memlekettik saıasat naý­qastardy tikushaq arqyly jetkizýge basymdyq berip otyr. Sol kúni Bolatbek Qýandyqov MI-17 tikushaǵynyń jumysymen tanys­ty. Densaýlyq saqtaý sala­syn odan ári jetildirýge baǵyt­talǵan 2011-2015 jyldarǵa ar­nal­ǵan «Sa­lamatty Qazaqstan» mem­le­ket­tik baǵdarlamasynda osy baǵyt aı­qyn kórsetilgen. Odan bólek Elbasynyń bıylǵy «Bola­shaq­tyń irgesin birge qalaımyz!» atty Qa­zaqstan halqyna Jol­daý­ynda da densaýlyq salasyna ba­symdyq berilgen. Osyǵan oraı «Ke­zek kút­tir­meıtin medısına­lyq járdem respýblıkalyq ǵy­ly­mı-ortaly­ǵy» men «Qazavıa­qut­qarý» AQ ara­synda kelisim-shart jasaldy. Soǵan sáıkes Qy­zylorda obly­syn­da «Qazavıaqut­qarý» AQ-nyń fılıaly ashylyp, oǵan bir tik­ush­aq berildi.  Bıylǵy jylǵy res­pýb­lıkalyq bıýdjetten atalǵan tikushaqty paıda­la­nýǵa 100 mıllıon teńge bó­lindi. Bul tikushaq­tyń basqalardan óz­in­dik aıyr­ma­shylyǵy bar. Tik­ush­aq kúndiz-túni  usha beredi. Bul, naýqastarǵa úz­dik­siz kómek kórsetiledi degen sóz. Erjan BAITILES, Qyzylorda.