QR mádenıet jáne sport mınıstrligi men «Eýrazııa» halyqaralyq kınofestıvali uıymdastyrý komıtetiniń qoldaýymen ashylǵan pavılon jańa fılmder men jobalardy damytý maqsatyndaǵy kásibı kezdesýler men kelissózderge jol ashady.
Belgili halyqaralyq kınofestıvalde qazaqstandyq pavılonnyń ashylýy kıno shyǵarýshy el retindegi elimizdiń bedelin arttyryp, kınoındýstrııa salasyndaǵy áriptestik múmkindikter men yntymaqtastyq baılanystardy keńeıtedi.
19 mamyr kúni Fransııanyń ulttyq kınematografııa ortalyǵynda QR mádenıet jáne sport vıse-mınıstri Asqar Batalovtyń qatysýymen Qazaqstannyń ulttyq pavılonynyń ashylýyna baılanysty resmı qabyldaý ótedi. Sonymen qatar, konsert uıymdastyrylyp, onda О́ner ýnıversıtetindegi kameralyq ishekti ansambliniń súıemeldeýimen Aıman Musaqojaeva jáne Dımash Qudaıbergenov óner kórsetedi. Pavılon jumysy ulttyq fılmderdi qarjylandyrý jáne tájirıbe almasýǵa, qazaqstandyq kınoındýstrııa jáne týrızm salasyn damytýǵa yqpaldy áriptester tartýǵa múmkindik jasaıdy.
