Basqosýda ulttyq ónerimizdiń, tól mádenıetimiz ben ádebıetimizdiń ózekti máseleleri, sondaı-aq elimizdegi rýhanı-mádenı salanyń qazirgi jaı-kúıi men keleshegi talqylandy.
Gúlshara Ábdiqalyqova kirispe sózinde Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynda myqty, ári jaýapkershiligi joǵary Birtutas Ult bolý úshin bolashaqqa birge qadam basyp, buqaralyq sana¬¬ny ózgertý mindeti qoıylǵanyn atap ótti. Onyń eń basty talaby – mádenıetimizdi, ulttyq kodty saqtaý.
Memlekettik hatshy el Prezıdenti aıqyndap bergen mindetterdi iske asyrýǵa shyǵarmashyl jastar ókilderi belsene atsalysatynyna senim bildirdi.
Kezdesýge qatysýshylar ulttyń jan-jaqty jańǵyrýyn júzege asyrý úderisinde óskeleń urpaqtyń mańyzdy ról atqaratynyn atap ótip, qoǵamnyń rýhanı damýyna qatysty ıdeıalaryn, oı-pikirleri men usynystaryn ortaǵa saldy.
Memlekettik hatshy kezdesý sońynda mádenıet jáne óner qyzmetkerlerin aldaǵy kásibı merekemen quttyqtap, zor densaýlyq, bereke-birlik pen shyǵarmashylyq tabys tiledi.
