«MJA Entertainment’s promoýterlik kompanııasymen de, Maık Altamýramen de kelisimshartymdy buzdym. Sebebi, ol kelisim boıynsha jasalǵan mindetterin ári ýádesin oryndaı almady. Ivan Dychko ekeýimiz onymen birge jumys istemeıtin bolyp sheshtik. Al ózge nusqalardy ázirge qarastyrmadym. Ulttyq quramaǵa qaıta oralýym da ábden múmkin. Jaqyn kúnderi karerama baılanysty naqty bir sheshimge kelemin», dedi Olımpıada chempıony.
Danııar Eleýsinov sondaı-aq, Azııa chempıonatynda óz salmaǵynda, ıaǵnı 69 kılo salmaqta judyryqtasqan Abylaıhan Júsipov jaıly pikir bildirdi.
«Abylaıhan Júsipovti Azııa chempıonatynda joǵary deńgeıde judyryqtasty dep esepteımin. Onyń bolashaǵynan úlken úmit kútýge bolady. Nebári 20 jasta. Olımpıadaǵa qatysty. Al qazir salmaq dárejesin arttyrdy. Tehnıko-taktıkalyq jaǵynan da, fızıkalyq turǵydan da kúsheıgen. Azııa chempıonatyn fınaldy esepke almaǵanda joǵary deńgeıde ótkizdi. Al fınal teń dárejede ótken edi, biraq kóp nárseni nokdaýn sheship ketti», dedi Eleýsinov.
