«Búgingi kúni qazaqstandyq bes ınstıtýttyq reformany júzege asyrý barysynda memlekettik organdar qoǵam aldynda barynsha ashyq bolýǵa jáne esep berýge mindetti. Qazir Almatyda aýrýhanalar, mektepter, balabaqshalar jáne páter ıeleriniń kooperatıvteri ózderiniń qarjylyq esepterin jarııalap, birtindep qala turǵyndarynyń senimine ıe bolýda. Mine, endi Almaty meshiti de alǵashqylardyń biri bolyp osy baǵdarlamaǵa saı jolmen júre bastady», degen qala ákimi Baýyrjan Baıbek alǵashqylardyń biri bolyp Ortalyq meshittegi termınal arqyly tólem jasady.
Almatydaǵy ortalyq meshittiń Bas ımamy Nurbek Esmaǵanbetov bul tehnologııanyń búgin pılottyq júıede qoldanylatynyn aıtty. Burynnan qalyptasqan ádis te qoljetimdi – meshitke kelgen árbir azamat ádettegideı qaıyrymdylyq tólemderin ashyq ýrnalarǵa sala alady. Bas ımam aı saıynǵy jınalǵan qarjynyń jalpy somasy meshittiń saıtynda jarııalanyp turatynyn da aıtty.
Talǵat SÚIINBAI,
«Egemen Qazaqstan»
