Maqsat – kásipkerlerdi kooperatıv qurý joldarymen tanystyra otyryp, olarǵa bólinetin sýbsıdııa jáne jeńildetilgen nesıeler týraly málimet berý. Sonymen qatar, kooperatıv qurýǵa nıettilerge qoldaý kórsete otyryp, úlgi retinde ár aýylda bir pılottyq jobany júzege asyrý.
Qatysýshylar – aýdan ákimdigi, jergilikti kásipkerlerge qyzmet kórsetý ortalyqtary jáne qarjy ınstıtýttarynyń ókilderi, kásipkerler.
Jalpy, qurylǵan jumysshy top arqyly 14 jınalys ótkizilip, túsindirý jumystary barysynda 487 kásipker qamtyldy. Olardyń ishinen 22 kásipker kooperatıv qurý úshin nesıe alýǵa nıet bildirdi.
Shara barysynda «OŃTÚSTIK» AIO ókili A.Saýranbaev kooperatıvterdi nesıelendirý jəne olardy qurý joldarynyń tıimdiligi týraly arnaıy daıyndaǵan slaıd boıynsha túsindirý jumystaryn júrgizdi.
Jergilikti «Kəsipkerlikke qyzmet kórsetý ortalyǵy» JShS, «Aýyl sharýashylyǵyn qarjylaı qoldaý qory» AQ-nyń ókilderi selolyq tutynýshylar kooperatıvi men aýyl sharýashylyǵy kooperatıviniń aıyrmashylyqtary týraly, kooperatıv qurý jumystaryna jáne nesıelendirý jumystaryna halyqqa qyzmet kórsetýge daıyn ekendikteri jaıynda málimdedi. Al jıynǵa qatysqan birqatar STK tóraǵalary men kəsipkerler kókeıindegi suraqtaryn qoıyp, mardymdy jaýaptar aldy.
