Qarý aınalymyna baqylaý jasaý isine de osyndaı kózqaras tán. Ishki kóshi – qon tártibin retteýde de irgeli qadamdar jasaldy. Osy arada atalǵan zań keń aýqymdy qoǵamdyq talqylaýǵa ıe bolǵanyn aıtý paryz.
Kóshpeli otyrysta baıandama jasaǵan QR ulttyq qaýipsizdik komıteti tóraǵasynyń orynbasary, terrorızmge qarsy ortalyq basshysynyń orynbasary Nurǵalı Bilisbekov elimizde ekstremızmge qarsy kúrestiń aldyn alý sharalaryn retteıtin 2017-2020jyldarǵa arnalǵan tujyrymdamanyń ereksheligine toqtaldy. Bul qaterdi tek bir ǵana kúshtik qurylymdar arqyly aýyzdyqtaý múmkin emes. Eń aldymen terrorızmge qarsy is-sharalarǵa áleýmettik, tárbıelik jáne adamgershilik sıpat berilse, bul is soǵurlym nátıjeli bolmaq. Bul máselede terrorızmge qarsy óńirlik komıssııalarǵa úlken jaýapkershilik júkteledi deı kele N.D.Bilisbekov Aqtóbedegi osyndaı komıssııa qyzmetin úlgi retinde alǵa tartty.
Kóshpeli otyrysta QR Parlamenti Májilisiniń tóraǵasy Nurlan Nyǵmatýllın qorytyndylap, oǵan qatysqandardyń syndarly oı-pikirleri men usynystary úshin rızashylyǵyn jetkizdi. Ári talqylanǵan máselelerdiń dinı ekstremızm men terrorızmniń aldyn alý sharalaryn kúsheıtýge qatysty jańa zań jobasyn ázirleýge negiz bolatynyn atap kórsetti.
Spıkerdiń málimdeýinshe buǵan barlyq qazaqstandyq qoǵam músheleriniń resýrstary jumyldyrylmaq.
Nurlan Zaıdollaulynyń túıindeýinshe bul zańdardyń ázirlenýi men qabyldanýy elimizdegi turaqtylyq pen qaýipsizdiktiń jáne beıbitshilik pen kelisimniń odan ári nyǵaıýyna qyzmet jasamaq.
Temir Qusaıyn,
«Egemen Qazaqstan»
