Áz-Naýryz toılaý barysynda qazaqtyń salt-dástúri dáriptelip kórsetilýiniń nátıjesinde stýdentterdiń qazaqtyń dástúrge degen qurmeti odan ári arta tústi desek, artyq aıtpas edik. Árıne, sharaǵa qoldaý kórsetýshi ári uıytqy bolýshy ýnıversıtet rektory Ǵalymqaıyr Mutanov ekeni daýsyz.
Merekelik shara, stýdentterdiń án shashýynan bastalyp, halqymyzdyń salt dástúrinen aýqymdy málimet beretin kórinister kórsetildi. Kıeli dombyradan tógilgen kúmbirlegen kúı men qyzdardyń myń buralǵan “Qamajaı” bıi kópshilikti ónerlerimen tánti etti. Ulttyq oıyn “asyq atý” oıyny týraly aqparat berilip, stýdentterdiń qatysýymen sahnada asyq oıyny oınatyldy, kórermenderge qyzyǵýshylyq týdyrǵany oqytýshy-professorlar men stýdentter arasynda asyq oınaýdan jarys boldy. Jigitter asyq oınaý barysynda biz kútpegen sheber tásilderdi erekshe kórsete aldy. Oıynnan keıin bir sergip alyp, konsert jalǵasyn taýyp kezek dástúrli ánderge berildi, sál keıinrek Dáýletkereıdiń kúıi “Kóroǵly” oryndaldy. Ádemi keshte qazaqtyń ánderi men kúılerinen keıin, sharaǵa qatysýshy fakýltet ujymy men stýdentter barlyǵy birge ultymyzdyń bolmysyn tanytatyn “Qarajorǵa” bıin bılep, kóterińki kóńilmen Naýryz dastarhanyna shaqyryldy.
Qazaqtyń ulttyq kıimin kıip, shashtaryn ásem etip órgen qyzdarymyz, óz qoldarymen daıyndaǵan dastarhan janynda kútip turǵan edi. Al merekelik kóje daıyndaý barysynda jigitter jeti túrli kerekti zattaryn alyp kelip, Naýryz kóje daıyndaýǵa qyzdarǵa óz járdemderin kórsetti. Qyzdarymyzdyń halqymyzdyń berekeli dastarhanyn dámdi taǵamdarmen toltyrýy, onyń ishinde súri etpen jasalǵan Naýryz kóje erekshe dámdi boldy, qatysýshylar men birge fakýltet ujymy alǵys aıtty.
Áz-Naýryzdyń keremettiligi umytylyp bara jatqan dástúrimizdi eske alyp, qadir tutýǵa úıretetindeı.
Bınur Balaýbaeva,
Ál-Farabı atyndaǵy QazUÝ Halyqaralyq qatynastar fakýltetiniń dosenti
