Jýrnalıster lıgasynyń qysqy maýsymynda barlyǵy 11 komanda baq synaǵan bolsa, bul joly 14 komanda ótinish bildirdi. Olar: «Habar», «QR AKM», «Egemen Qazaqstan», «Qazaq radıosy», «Jeńis», «Sports 1959», «Habar-24», «QazSport», «QazMedıa», «Qazaqstan», «El arna», «Dixinews.kz», «Elorda-aqparat», «Astana TK».
Jarystyń ashylý saltanaty búgin 18:00-de ótti. Oǵan «Egemen Qazaqstan» basylymynyń tóraǵasy Darhan Qydyráli, Astana qalalyq fýtbol federasııasynyń bas menedjeri Ǵalymjan Kenjalınov qatysty.
«Osyndaı keremet sharany uıymdastyrǵan jandarǵa alǵysymyzdy bildiremiz. Fýtbol jarysy áriptesterimizdiń jasyl alańda bas qosyp, bir-birimen jaqyndaı túsýine septigin tıgizedi dep senemiz. Jýrnalıster qaı jaǵynan bolsyn myqty. Jazǵy maýsym bizdi kezekti ret shyńdaı túsedi. Barshańyzǵa sáttilik tileımin! Alańdaǵy jarysymyz bizdi tek qana birlikke bastaı bersin!» dedi Darhan Qydyráli.
Jazǵy maýsymnyń taǵy bir ereksheligi – lıgamen qatar, BAQ kýbogy da qosyldy. Bul oıyndar 27 mamyrdan bastalady. Sonymen qatar, lıganyń ár týryndaǵy úzdik oıynshy anyqtalyp, oǵan «Astana» fýtbol klýbynyń bir jeıdeshesi syıǵa beriledi.
