Sýretshilik shyǵarmashylyǵyn ótken ǵasyrdyń ortasynan bastaǵan Nıkolaı Vasılevıch 900 sýret jáne 800-den asa keskindeme týyndysyn salǵan eken. Ol óz shyǵarmalarynyń ishinde «Meniń jerlesterim» atty shyǵarmasyn erekshe ataıdy. Ol onda halqymyzdyń rýhanı tiregine, maqtanyshyna aınalǵan Qostanaı topyraǵynyń perzentterin kórsetedi.
Kórmeniń ashylý saltanatynda oblystyq tarıhı-ólketaný mýzeıiniń dırektory Úmit Ákimbaeva sýretshini mereıtoıymen quttyqtaǵan oblys ák imi Arhımed Muhambetovtyń hatyn oqyp berdi. Sýretshi Vadım Bykov respýblıka sýretshiler odaǵy oblystyq fılıalynyń atynan quttyqtaý hat tapsyrdy. Merekelik kórmege kelgender jyly lebizin aıaǵan joq.
«Biz bir birimizdi 60 jyldan artyq bilemiz.Kórkemsýret stýdııasyna kelgende maǵan ustazdarym «eń talantty oqýshynyń týyndysy» dep, onyń shyǵarmalaryn kórsetken edi. Eńbekqor, talantty sýretshi» dedi belgili sýretshi Gergıı Sokov.
«Qatar júrip, men Nıkolaıdyń grafıkalyq sýretterin kórmeppin, Búgin kórip tańqaldym» dedi belgili zerger Lelonıd Igoshın. Kórmege kelgenderdiń barlyǵy da sýretshi týyndylarynyń alýan janrda salynǵanyna tańdanystaryn jasyra almady.
Sýretshi kórmesiniń ashylý saltanatyna kelip, ózine jyly lebiz bildirgen dostaryna, áiriptesterine, kórermenderine alǵys aıtty.
«Kárilik óz degenin isteıdi. Kóz nasharlap keledi, biraq qol-aıaǵym áli tyń sekildi. Demek, áli de qylqalamdy qoldan túsirmeı, jaqsy shyǵarmalar jazamyn degen úmitim bar» dedi Nıkolaı Vachsılvıch.
Názıra Járimbetova,
«Egemen Qazaqstan»,
QOSTANAI
Sýretter ng.kz saıtynan alyndy
