"Buqara.kz" saıtynyń habarlaýynsha, bul kúni sońyna elýge tarta án qaldyrǵan sazgerdiń týyndylaryn elimizdiń ánshileri ǵana emes, Qyrǵyzstan, Reseı men Mońǵolııadan arnaıy kelgen ónerpazdar da áýelete shyrqap, Oralhanyn saǵynǵan jurttyń qurmetine bólendi.
«Oralhan Kósherov tek Shyǵystyń ǵana emes, kúlli qazaqtyń maqtanyshy. Bul festıvaldyń basty maqsaty – Oralhannyń tárbıege toly sazdy ánderimen jurtshylyqty sýsyndatyp, jas urpaqty eldi, jerdi súıýge baýlý. Sondyqtan da búgingi sharanyń rýhanı-mádenı máni óte zor», - dedi óziniń quttyqtaý sózinde Kúrshim aýdanynyń ákimi Seısenǵazy Chýkaev.
Kúrshim aýdanynda tuńǵysh ret uıymdastyrylyp otyrǵan án jármeńkesinde sazgerdiń qyryqqa tarta ánderi shyrqaldy. Halyqaralyq festıvalge Alataý asyp kelgen qyrǵyz aǵaıyndarymyz óner báıgesiniń joǵary deńgeıde ótkenin, qazaq halqynyń qonaqjaı peıiline tánti bolǵandaryn aıtty. «Biz Oralhan Kósherovtyń «Dostarǵa», «Saǵynbaý seni múmkin be» degen ánderin oryndadyq. Bul festıval ary qaraı da jalǵasyn tabady degen úmittemiz» , – dedi qyrǵyz ónerpazy Rasýl Asanǵazıev.
Azamat QASYM,
«Egemen Qazaqstan»
Shyǵys Qazaqstan oblysy
Sýretti túsirgen
Talǵatjan Muhamadıev
