Ekijaqty memorandýmǵa qol qoıyldy

Koreıa Respýblıkasynyń Prezıdenti Lı Mıon Baktyń Otanymyzǵa resmı sapary aıasynda Qazaqstan Respýblıkasynyń Densaýlyq saqtaý mınıstrliginde mınıstr Salıdat Qaıyrbekova men Koreıa Respýblıkasynyń Densaýlyq saqtaý mınıstri Chın Sý Hı arasynda memorandýmǵa qol qoıyldy. Sonymen qatar, Ulttyq ǵy­ly­mı medısınalyq ortalyq pen Seýl ýnıversıtetiniń, Ulttyq medısınalyq holdıng pen Seýl ýnıversıtetiniń aýrýhanalary, S.Asfendııarov atyndaǵy Qazaq ulttyq medısınalyq ýnıversıteti men Koreıa medısına mekte­bi­niń katolık ýnıversıteti, Ál-Farabı atyndaǵy Qazaq ulttyq ýnıversıteti men «Kore» ýnıver­sı­tetiniń medısınalyq ortaly­ǵy, «Hımfarm» AQ jáne «JW PHARMACEUTICAL CORPORA­TI­ON» korporasııasy, «Sedjon Eýrazııa» halyqaralyq medısı­na­lyq klınıkasy» jáne «Hye­won Medical Foundation «Sejong General Hospital» kompanııasy arasynda yntymaqtastyq jáne óz­ara túsinistik jóninde memorandým jasaldy. Ekijaqty kezdesýlerde aýqym­dy máseleler boıynsha baıla­nys­tardy damytýǵa qatysty pikir almasýlar boldy. Taraptar dıagnostıka jáne aýrýlardy emdeýde joǵary tehnologııalardy paıdalaný, Qazaq eli azamattaryn Koreıa aýrýhanalaryna dıagnostıkadan ótýge jáne emdeýge jiberý, medısına mamandarynyń bi­liktiligin arttyrý, oqý kýrs­ta­ryn ótkizýge jetekshi koreı ma­mandaryn tartý, aǵza almastyrý, jasýsha jáne aǵza ımmýno­lo­gııa­sy salasynda ǵylymı zertteýler júrgizý sııaqty máseleler boı­yn­sha pikir almasty. Súleımen MÁMET.