О́ńirde Elbasy tapsyrmasy tıimdi júzege asýda

Sondaı-aq, Muhtar Qul-Muhammed oblys ákimi Kárim Kókirekbaevpen birge Germanııada jasalǵan energetıkalyq qondyrǵylardyń jumysymen de tanys­ty. Mundaı jel týrbınalarynyń bıiktigi 60 metr bolsa, salmaǵy 180 tonnaǵa deıin je­tedi. О́z sózinde Muhtar Abraruly balamaly energetıkany qoldanýdyń nátıjesinde oblysta «jasyl ekonomıkany» damytý boıynsha aımaqta aldyńǵy orynnan kórinýge múmkindik mol ekenin atap ótti. 
Sondaı-aq, aýdandaǵy jergilikti fer­mer­lermen de kezdesken partııa Tór­aǵasynyń birinshi orynbasary budan keıin Merki aýdanyndaǵy «Merki irimshik zaýyty» jaýapkershiligi shekteýli serik­tes­tiginde boldy. Atalǵan kásiporyn – 70-ten astam sút ónimderin óndiretin óńirdegi irgeli sharýashylyq. Zaýyttyń taǵy bir ereksheligi, búginde 40 sharýa qojalyǵyn biriktirip, tyń bastamalardy qolǵa alyp otyr. Osyndaı sátti bastamanyń nátıjesinde óndiris ornynda ónimdilik qýaty, tutynýshylar bazasy, jumysshylar sany jáne jalaqy kólemi artqan.
– Elbasy tapsyrmasymen jyl saıyn aýyl sharýashylyǵyn qoldaýǵa mıl­lıard­taǵan qarjy bólinýde. Olardy tıimdi paı­dalaný úshin usaq sharýashylyqtar iri koope­ratıvke birigýi kerek. «Merki irimshik zaýyty» osyndaı 40-tan astam sharýa­shylyqtyń basyn qosady. Mine, bul Elbasy tapsyrmasy tıimdi júzege asýynyń naqty kórinisi, – degen Muhtar Qul-Muhammed. Memleket basshysynyń Jambyl oblysyna qashanda aıryqsha kóńil bólip, qoldaý kórsetip kele jatqanyn aıtty. Sonyń nátıjesinde, halyqaralyq mańy­zy bar «Batys Qytaı – Batys Eýro­pa» kólik dáliziniń 500 shaqyrymǵa jýyǵy osy oblystan ótkenin, óńirdi gazdandyrý maqsatynda «Amangeldi» gaz ken ornyn­daǵy óndiris kóleminiń artqanyn jáne ın­dýstrııalyq-ınnovasııalyq damý memle­kettik baǵdarlamasynyń ekinshi besjyl­dyǵy aıasynda oblysta 500 mıllıard teńgeden astam qarjyǵa 35 joba júzege asyrylyp jatqanyn atap ótti.
Budan keıin Muhtar Qul-Muhammedtiń óńirdegi jumys sapary Taraz qalasynda jalǵasty. Partııa Tóraǵasynyń birinshi orynbasary shahardaǵy «Araı» turǵyn alabyndaǵy kóp páterli turǵyn úılerdiń qurylys jumystarymen tanysty. Bas josparǵa sáıkes, bul keshende 19 kóp páterli úı salý kózdelýde. Páterler «Báıterek Deve­lopment» aksıonerlik qoǵamy jáne «Tur­ǵynúıqurylysjınaqbanki» arqyly saty­latyn bolady. Sondaı-aq, kommýnal­dy turǵyn úı qorynda páter kezeginde tur­ǵandarǵa da atalǵan keshennen baspana alýǵa tolyqtaı múmkindik bar. 
Aıta keteıik, oblysta alǵash ret qu­rylys jumystarynyń kólemi 103 mıllıard teńgeden asyp, salynǵan ınvestısııa kólemi 32 paıyzǵa artyp otyr. Atalǵan salanyń munshalyqty serpin alýy «Nurly jer» jańa memlekettik baǵdarlamasynyń bastalýymen tikeleı baılanysty. Muhtar Abraruly óz sózinde memlekettik baǵdarlamalardyń júzege asýy partııa ókilderiniń qatań baqylaýynda bolatynyn aıtty. «Sondyqtan, nur­otan­dyqtar bólingen qarjynyń tıimdi ári tolyq jumsalýyn, úılerdiń barlyq tehno­lo­gııalyq talaptarǵa saı salynýyn jáne páterlerdiń turǵyndarǵa ýaqtyly berilýin udaıy nazarda ustaýy tıis», dedi. 
Budan keıin «Nur Otan» partııasy oblystyq fılıalynyń májilis zalynda Muhtar Qul-Muhammedtiń qa­tysýymen partııanyń oblystyq aktıvimen kezdesýi ótti. Kezdesýde Muhtar Abraruly Elbasy usynǵan ekonomıkalyq jáne saıa­sı reformalardyń máni men mańyzyn halyqqa túsindirý jóninde partııa oblystyq fılıa­lyna naqty tapsyrmalar berdi. Sondaı-aq, negizgi memlekettik baǵdarlamalardy júzege asyrýda nurotandyqtardyń róli qandaı bolý kerektigine de toqtaldy. 
Sapar aıasynda Muhtar Qul-Muhammed M-H.Dýlatı atyndaǵy Taraz memlekettik ýnıversıtetiniń professorlyq-oqy­tý­shylar qu­ra­mymen jáne stýdenttermen kezdesti. Shara barysynda Muhtar Ab­raruly Prezıdenttiń «Bolashaqqa baǵ­dar: rýhanı jańǵyrý» baǵdarlamalyq maqalasynda aıtylǵan basym baǵyttar jóninde áńgimeledi. Sondaı-aq, Elba­sy­nyń atalǵan maqalasy árbir jas qazaq­stan­dyqtyń basty qujaty bolýy tıis ekenin jáne Memleket basshysynyń Táýelsiz Qazaqstandy jarqyn bolashaqqa jetkizý jolynda jastarǵa erekshe senim artyp otyrǵanyn atap kórsetti.

Hamıt ESAMAN,
«Egemen Qazaqstan»

Jambyl oblysy